عام صارف کو بڑی عبارتوں کا ترجمہ کرنے کی شاید ضرورت پیش نہیں آتی البتہ اکا دکا الفاظ کے معانی جاننے کی ضرورت پیش آتی رہتی ہے۔ مثلاً‌ انگلش کے ایسے الفاظ بعض اوقات سننے یا پڑھنے میں آتے ہیں جن کا مفہوم تو معلوم ہوتا ہے لیکن جی چاہتا ہے کہ ان کا لفظی مطلب بھی پتہ چل جائے تاکہ بوقت ضرورت ان الفاظ کو اعتماد کے ساتھ استعمال کیا جا سکے۔ Google Translate اگرچہ ڈکشنری کی ویب سائیٹ نہیں ہے لیکن یہ بڑی حد تک ڈکشنری کی ضرورت بھی پورا کرتی ہے۔ گوگل ٹرانسلیٹ پر الفاظ کے معانی آپ کو اس انداز میں نہیں ملیں گے جیسا کہ روایتی ڈکشنری میں ہوتے ہیں اس لیے کہ یہ سروس جملوں کا ترجمہ کرنے کے لیے بنائی گئی ہے نہ کہ الفاظ کے معانی بتانے کے لیے۔ لیکن اس کے باوجود میں گوگل ٹرانسلیٹ کو بطور ڈکشنری استعمال کرتا ہوں اور میرا مقصد پورا ہو جاتا ہے۔ آئیں اس کے استعمال کا طریقہ کار دیکھتے ہیں: — مکمل تحریر گوگل ٹرانسلیٹ کو بطور اردو انگلش ڈکشنری استعمال کریں

یہ غالباً‌ 1998 کی بات ہے جب میں Yahoo Messenger پر ایک انڈین لڑکے کے ساتھ چیٹ کر رہا تھا۔ کمپیوٹر ٹیکنالوجیز کے متعلق بات ہو رہی تھی کہ اس نے پوچھا، کبھی Google استعمال کیا ہے؟ میں نے کہا نہیں بھئی پہلی دفعہ یہ نام سامنے آیا ہے۔ اس نے بتایا کہ یہ ایک نیا سرچ انجن آیا ہے اور بہت زبردست ہے۔ اس وقت تک میں انٹرنیٹ پر تلاش کے لیے Yahoo استعمال کیا کرتا تھا۔ جب میں پہلی دفعہ گوگل کی ویب سائیٹ پر پہنچا تو یہ دیکھ کر حیران رہ گیا کہ یہ کیسا سرچ انجن ہے جس پر سرچ باکس کے علاوہ چند ایک چیزیں ہیں اور بس۔ میرا خیال تھا کہ شاید اس پر یاہو کی طرح لنکس کی بھرمار ہوگی، اور چونکہ یہ نیا سرچ انجن ہے اس لیے اس پر یاہو سے زیادہ فیچرز شامل کرنے کی کوشش کی گئی ہوگی۔ خیر جب میں نے غیر یقینی کے عالم میں کچھ چیزیں تلاش کرنا شروع کیں تو یوں محسوس ہوا جیسے اس سرچ انجن کو پہلے سے معلوم ہے کہ مجھے کیا چاہیے۔ — مکمل تحریر گوگل سرچ کے چند مفید استعمالات

HTML کی مدد سے بنائے گئے ویب پیجز کو خوبصورت اور منظم بنانے کے لیے CSS استعمال کی جاتی ہے۔ مثلاً‌ عنوان کا سائز اور رنگ کیا ہونا چاہیے، پیراگراف کا فونٹ کیا ہونا چاہیے اور اس کے گرد فاصلہ کتنا ہونا چاہیے، کسی تصویر کے گرد کتنی موٹائی کا اور کس رنگ کا بارڈر لگنا چاہیے، ٹیبل کے جو خانے ہیں ان کی ویلیوز کے گرد کتنا فاصلہ ہونا چاہیے، دیگر ویب پیجز کے لنکس کونسے رنگ میں ہونے چاہئیں اور ان کے نیچے لائن موجود ہونی چاہیے یا نہیں، اور یہ کہ ویب پیج کے کونسے حصوں کو بائیں کالم میں، کونسے حصوں کو درمیانی کالم میں، اور کونسے حصوں کو بائیں کالم میں موجود ہونا چاہیے وغیرہ۔ یعنی HTML ایلی منٹس پر ہر طرح کی یہ فارمیٹنگ CSS کی مدد سے کی جاتی ہے۔ — مکمل تحریر سی ایس ایس کی مدد سے ایچ ٹی ایم ایل کو خوبصورت بنائیں

++Notepad دنیا بھر کے پروگرامرز میں بہت مقبول ہے۔ اس کی وجہ نوٹ پیڈ کے بہت سے مفید فیچرز ہیں جو کوڈنگ اور ٹیکسٹ ایڈیٹنگ میں سہولت فراہم کرتے ہیں۔ نوٹ پیڈ کے اصل ورژن میں شامل فیچرز کے علاوہ ماہر پروگرامرز نے اس کے لیے بہت سے کارآمد Plugins بھی تیار کیے ہیں جو نوٹ پیڈ کی کارکردگی اور افادیت میں اضافہ کرتے ہیں۔

نوٹ پیڈ ++ کے نمایاں فیچرز یہ ہیں: کوڈ کے حصوں کو مختلف رنگوں میں دکھانا۔ کوڈ کے جن حصوں کی فی الوقت ضرورت نہ ہو، انہیں فولڈ کرنا۔ فائل کی مختلف لائنوں پر بک مارکس لگانا۔ بیک وقت بہت سی فائلوں میں تلاش اور تبدیلیاں کرنا۔ انگلش یا اردو زبان کے اعتبار سے لکھائی کی سمت تبدیل کرنا وغیرہ۔

آئیں نوٹ پیڈ کے مختلف مفید فیچرز اور ان کے استعمال کا طریقہ دیکھتے ہیں۔ — مکمل تحریر کوڈنگ کے لیے نوٹ پیڈ پلس پلس استعمال کریں