ونڈوز میں اس سے پہلے فائلوں کے انتخاب کے لیے ہم جو طریقہ اختیار کرتے آرہے ہیں وہ اتنا باسہولت نہیں ہے اور اس کے استعمال میں احتیاط برتنا پڑتی ہے۔ مثلاً‌ فولڈر میں ایک تسلسل کے ساتھ موجود فائلوں کو منتخب کرنے کے لیے ہم کی بورڈ پر Shift کا بٹن دبا کر ماؤس کے ساتھ پہلی اور آخری فائل پر کلک کرتے ہیں، یوں پہلی اور آخری فائل اور ان کے درمیان موجود تمام فائلیں سلیکٹ ہو جاتی ہیں۔ اسی طرح جو فائلیں ہمیں چاہئیں اگر وہ ایک تسلسل کے ساتھ فولڈر میں موجود نہیں ہیں تو پھر ہم کی بورڈ پر Ctrl کا بٹن دباتے ہیں اور اپنی مطلوبہ فائلوں پر ماؤس کے ساتھ کلک کرتے جاتے ہیں۔ یہ طریقہ کارآمد تو ہے لیکن اس میں کی بورڈ کا استعمال ایک اضافی کام محسوس ہوتا ہے جو صارف کی توجہ تقسیم کر دیتا ہے۔ — مکمل تحریر ونڈوز میں چیک باکس کی مدد سے فولڈر اور فائلیں منتخب کریں

ایک ویب سائیٹ مختلف ویب پیج فائلز سے مل کر بنتی ہے اور کسی بھی ویب پیج فائل کا بنیادی ڈھانچہ HTML پر ہوتا ہے۔ صرف HTML استعمال کرتے ہوئے ایک قابل استعمال ویب سائیٹ بنائی جا سکتی ہے جومنظم اور خوبصورت تو نہیں ہوگی لیکن کسی حد تک مطلوبہ ضرورت پورا کر سکتی ہے۔ جب کسی ویب سائیٹ کی تعمیر کی بات ہوتی ہے تو HTML اور CSS کا ذکر ساتھ ساتھ آتا ہے۔ آپ نے کبھی پہاڑی علاقوں میں صرف پتھروں اور اینٹوں کی مدد سے بنائے گئے بے ترتیب سے گھر دیکھے ہوں گے، یہ گھر شہر کی عمارتوں کی طرح کسی نقشے کے مطابق ایک ترتیب سے نہیں بنائے گئے ہوتے لیکن پھر بھی رہنے والوں کے لیے قابل استعمال ہوتے ہیں اور ان کی ضرورتیں پوری کرتے ہیں۔ مثال کے طور پر یوں سمجھ لیں کہ ان کے گھر صرف HTML کی اینٹوں کی مدد سے بنائے گئے ہوتے ہیں جن پر CSS کی سجاوٹ (نقشہ، پلستر، رنگ و روغن وغیرہ) استعمال نہیں کی گئی ہوتی۔ — مکمل تحریر صرف ایچ ٹی ایم ایل استعمال کرتے ہوئے بنیادی ویب سائیٹ بنائیں

Inpage میں Zakharif کے نام سے ایک فونٹ مہیا کیا گیا ہے جس میں خطاطی کے بہت سے مفید نمونے موجود ہیں۔ مثلاً‌ ان میں درج ذیل الفاظ یا جملوں کی خطاطی شامل ہے:
بسم اللہ الرحمن الرحیم۔ اللہ اکبر۔ جل جلالہ۔ عز و جل۔ سبحانہ وتعالی۔ قرآن کریم۔ صلی اللہ علیہ وسلم۔ رضی اللہ عنہم۔ صدق اللہ العظیم۔ کل عام وانتم بخیر۔ عید مبارک۔ اسلامی مہینوں کے نام۔ مقدمہ۔ تمہید۔ تمت۔ فہرس۔ کل الحقوق محفوظۃ، وغیرہ کے علاوہ دستاویزات کی سجاوٹ کے لیے کچھ علامات (Symbols) بھی شامل ہیں۔ — مکمل تحریر ان پیج میں مہیا کیے گئے خطاطی کے نمونے استعمال کریں

ان پیج میں بہت سے مفید نستعلیق اور نسخ فونٹس ہیں جنہیں کورل ڈرا میں استعمال کیا جاتا ہے۔ اخبارات اور رسائل کے اشتہارات، کتابوں کے سرورق، اخباری سرخیاں، شادی کارڈ، دعوت نامے، بزنس کارڈ، غرض اردو عبارتوں پر مشتمل ڈیزائننگ کے بہت سے کاموں کے لیے ان پیج اور کورل ڈرا استعمال کیے جاتے ہیں۔ چونکہ Inpage 2000 کے فونٹس سیمبل بیسڈ ہیں اس لیے ان پیج کی عبارت عام طریقے سے دوسرے سافٹ ویئرز میں استعمال کے لیے کاپی پیسٹ نہیں کی جا سکتی۔ چنانچہ اس ٹٹوریل میں ان پیج کی لکھائی کورل ڈرا میں استعمال کرنے کا طریقہ بتایا گیا ہے۔ — مکمل تحریر کورل ڈرا میں ان پیج کی لکھائی استعمال کریں