HTML5 میں input ایلیمنٹ کی چند نئی ٹائپس شامل کی گئی ہیں جن سے ویب ڈویلپرز کو کافی سہولت ہوگئی ہے۔ ان ٹائپس میں color , number , email , url , phone , time , date وغیرہ شامل ہیں۔ نئی ان پٹ ٹائپس کا زیادہ تر فائدہ فارم کی پڑتال کے سلسلہ میں ہوتا ہے مثلاً اگر کسی ان پٹ فیلڈ کی ٹائپ آپ نے url مقرر کی ہے تو پھر یہ فیلڈ غلط ویب ایڈریس قبول نہیں کرے گی۔ چنانچہ اس نئے اضافے سے ویب ڈیویلپرز کو بہت سے ایسے Javascript کوڈ سے چھٹکارا مل گیا ہے جو اس سے پہلے وہ براؤزر پر فارم کی پڑتال کے لیے استعمال کرتے تھے۔ — مکمل تحریر ایچ ٹی ایم ایل کے عام استعمال ہونے والے فارم ایلیمنٹس

بنیادی طور پر تین باتیں سرچ انجن پر کسی ویب پیج کی بہتر رینکنگ کا باعث بنتی ہیں: (1) سرچ انجن کے نقطۂ نظر سے ویب پیج کا مواد کتنا معیاری ہے؟ (2) ویب پیج کے مختلف حصوں مثلاً ٹائٹل، ویب ایڈریس، عنوانات، پیرا گرافس اور لنکس وغیرہ کی عبارتیں آپس میں کس قدر مطابقت رکھتی ہیں؟ (3) کیا دیگر معیاری ویب سائیٹس میں اس ویب پیج کا لنک موجود ہے? اگر ان تین باتوں میں ویب پیج مجموعی طور پر بہتر ہے تو پھر سرچ انجن اسے رینکنگ میں زیادہ ترجیح دے گا۔ اس ٹٹوریل کے لیے گوگل کی شائع کردہ SEO گائیڈ سے استفادہ کیا گیا ہے اور مختصرًا سرچ انجن آپٹیمائزیشن کا عمل واضح کرنے کی کوشش کی گئی ہے۔ — مکمل تحریر سرچ انجن آپٹیمائزیشن گائیڈ

یہ ٹٹوریل شاید ان بچوں کے لیے ہے جو ونڈوز کے پینٹ پروگرام میں کچھ نہ کچھ بناتے رہتے ہیں، یا ان والدین کے لیے ہے جو اپنے بچوں کو پینٹ پروگرام میں کچھ نہ کچھ بنانا سکھاتے رہتے ہیں۔ اس ٹٹوریل میں ہم پاکستانی جھنڈا بنانے کا عمل دیکھیں گے جو کہ بہت آسان ہے۔ اس میں صرف چاند بنانا مشکل دکھائی دیتا ہے کیونکہ پینٹ پروگرام کی ٹول بار میں اس کا ٹول مہیا نہیں کیا گیا۔ لیکن چاند بنانا بھی بہت آسان ہے جس کے لیے صرف دو دائرے استعمال ہوں گے۔ اگر آپ کے سمارٹ فون یا ٹیب پر پینٹنگ کی کوئی ایپلی کیشن موجود ہے تو اس تکنیک کو استعمال کر کے آپ اس پر بھی پاکستانی جھنڈا بنا سکتے ہیں۔ — مکمل تحریر پینٹ میں پاکستان کا جھنڈا بنائیں

اپنا پرانا کمپیوٹر یا لیپ ٹاپ کسی کو دیتے ہوئے یا دوکاندار کو بیچتے وقت ہم اپنا ڈیٹا اس میں سے ڈیلیٹ کر دیتے ہیں اور یہ تسلی کرتے ہیں کہ Recycle Bin بھی خالی ہو۔ مسئلہ یہ ہے کہ یہ ڈیٹا مستقل طور پر ڈیلیٹ نہیں ہوتا بلکہ ڈرائیو پر ہی موجود رہتا ہے لیکن آپریٹنگ سسٹم یہ ڈیٹا ہمیں دکھانا بند کر دیتا ہے۔ ایسا ڈیٹا ڈرائیو سے ہمیشہ کے لیے تب ختم ہوتا ہے جب آپریٹنگ سسٹم کو نیا ڈیٹا لکھنے کے لیے جگہ کی ضرورت ہوتی ہے۔ چنانچہ ڈیٹا ریکوری کا کوئی بھی معقول سافٹ ویئر استعمال کر کے یہ ڈیٹا واپس حاصل کیا جا سکتا ہے۔ اس ٹٹوریل میں ہم CCleaner کی مدد سے ڈیلیٹ کیے ہوئے ڈیٹا کو مستقل طور پر ڈرائیو سے مٹانے کا عمل دیکھیں گے۔ — مکمل تحریر پرانے کمپیوٹر سے ذاتی ڈیٹا مستقل طور پر ڈیلیٹ کریں