فوٹو شاپ میں تصویر کا زاویہ تبدیل کریں

ویب سائٹس اور رسائل وغیرہ میں وقتاً‌ فوقتاً‌ ایسی تصاویر دیکھنے کو ملتی ہیں جن کا زاویہ تبدیل کیا گیا ہوتا ہے، جیسے ہم تصویر کو سامنے سے نہیں بلکہ ایک سائیڈ سے دیکھ رہے ہوں۔ تصویر کو ترچھا کر کے ایک خاص زاویے سے دیکھانے کا یہ ایفیکٹ عام طور پر کمپیوٹر اسکرین کے عکس (Screenshots) میں دیکھا گیا ہے۔ تصویر کو کسی خاص زاویے میں ڈھالنے کا یہ عمل فوٹوشاپ میں بہت آسان ہے۔ مثال کے طور پر درج ذیل تصویر دیکھیں:

مطلوبہ تصویر فوٹوشاپ میں کھولیں۔ ٹول بار میں سے Rectangular Marquee Tool منتخب کریں اور پھر Select مینیو میں سے Select All کے آپشن پر کلک کریں۔

درج ذیل تصویر کے مطابق Edit مینیو کے اندر موجود Transform مینیو میں سے Skew کا آپشن منتخب کریں۔

ماؤس کی مدد سے سلیکشن کو اوپر اور نیچے والے کناروں سے پکڑ کر اندر کی طرف گھسیٹیں۔ تصویر کو اپنی مرضی کے مطابق ترچھا کرنے کے لیے آپ کو بار بار اوپر اور نیچے کے کنارے اندر کی طرف دھکیلنا پڑیں گے۔

جب آپ تصویر کے زاویے سے مطمئن ہو جائیں تو کی بورڈ پر Enter بٹن دبا دیں، یا پھر پراپرٹی بار میں موجود Commit transform بٹن پر کلک کر دیں۔

آپ دیکھ سکتے ہیں کہ تصویر کی سلیکشن ابھی قائم ہے۔ اگر آپ اس تصویر پر مزید کوئی ایفیکٹ نہیں لگانا چاہتے تو اس کے سفید حصے سے چھٹکارا حاصل کرنے کے لیے اسے Crop کیا جا سکتا ہے۔

ایک زاویے سے نظر آنے والی ترچھی تصویر تیار ہے۔