PHP

پی ایچ پی میں ویلیوز کے موازنے کا ایک مفید ٹیبل

پی ایچ پی میں ویلیوز کے موازنے کا ایک مفید ٹیبل

کسی بھی پروگرامنگ لینگویج میں اگر قدروں کے موازنے (Value comparison) کا ایک عمومی خاکہ ہمارے ذہن میں ہو تو مشروط فیصلے کرنا یعنی if-else اسٹیٹمنٹس وغیرہ کا استعمال آسان ہو جاتا ہے۔ ورنہ یوں ہوتا ہے کہ بعض اوقات کوڈ کا نتیجہ ہماری توقع کے خلاف نکلتا ہے اور ہم الجھن کا شکار ہو جاتے ہیں۔ مثال کے طور پر اگر ہم ٹیکسٹ کا موازنہ نمبر کے ساتھ کریں جبکہ دونوں کی ویلیو ایک ہی ہو تو اس کا جواب صحیح ہوگا یا غلط؟ مکمل تحریر

پی ایچ پی میں ڈیٹ کی فارمیٹنگ کریں

پی ایچ پی میں ڈیٹ کی فارمیٹنگ کیسے کریں؟

پروگرامنگ لینگویج کے حوالے سے نئے پروگرامرز کو جو چیزیں الجھن میں ڈالتی ہیں ان میں سے ایک تاریخ کی فارمیٹنگ بھی ہے۔ تاریخ کی فارمیٹنگ کی ضرورت اس لیے پڑتی ہے کہ دنیا بھر کے ممالک میں تاریخ مختلف طریقوں سے لکھی جاتی ہے۔ ایک ملک میں تاریخ لکھنے کی ترتیب دوسرے ملک سے مختلف ہو سکتی ہے، مثلاً‌ کسی ملک میں مہینہ پہلے لکھا جاتا ہے اورکسی ملک میں دن پہلے لکھا جاتا ہے۔ اسی طرح حسب ضرورت تاریخ لکھنے کا انداز بھی مختلف ہو سکتا ہے، کبھی مہینے یا دن کا پورا نام لکھنے کی ضرورت پیش آتی ہے اور کبھی صرف ہندسوں کی شکل میں لکھنے سے کام چل جاتا ہے۔ آئیں پہلے تاریخ کے متعلق کچھ ضروری باتیں جان لیتے ہیں، اس کے بعد PHP کی مثالوں سے تاریخ کو فارمیٹ کرنے کا تصور واضح ہو جائے گا۔ مکمل تحریر

پی ایچ پی میں ٹائم کی فارمیٹنگ کریں

پی ایچ پی میں ٹائم کی فارمیٹنگ کیسے کریں؟

PHP میں تاریخ اور وقت ایک ساتھ ہینڈل کیے جاتے ہیں۔ یعنی ()date_create فنکشن کو صرف تاریخ، صرف وقت، یا پھر دونوں مہیا کیے جا سکتے ہیں۔ لیکن نئے پروگرامرز کی آسانی کے لیے تاریخ اور وقت دونوں کے لیے الگ الگ ٹٹوریلز لکھے گئے ہیں۔ یہ ٹٹوریل صرف وقت کی فارمیٹنگ کے بارے میں ہے۔ آئیں پہلے وقت کے متعلق چند ضروری باتیں جان لیتے ہیں: مکمل تحریر

پی ایچ پی میں ٹائم اسٹیمپ بنائیں اور اسے فارمیٹ کریں

پی ایچ پی میں ٹائم اسٹیمپ کیسے بنائیں اور اسے فارمیٹ کیسے کریں؟

Timestamp سے مراد ایسا وقت ہے جب کوئی خاص بات یا واقعہ رونما ہو۔ کمپیوٹر پروگرامنگ میں ٹائم اسٹیمپ تاریخ اور وقت دونوں پر مشتمل ہوتی ہے۔ اس کا انحصار پروگرام کی ضرورت پر ہوتا ہے کہ آپ ٹائم اسٹیمپ کی صرف تاریخ، صرف وقت، یا پھر دونوں استعمال کریں۔ مثال کے طور پر پروگرامنگ کے دوران ٹائم اسٹیمپ درج ذیل کاموں کی تاریخ اور وقت محفوظ کرنے کے لیے استعمال ہو سکتی ہے: کسی ممبر نے نیا اکاؤنٹ بنایا ہے، کسی ممبر نے اپنے اکاؤنٹ سے کوئی ریکارڈ مثلاً‌ اپنا پرانا ایڈریس ختم کیا ہے، کسی ممبر نے خریداری کا کوئی آرڈر بنایا ہے، کسی ممبر نے اپنا اکاؤنٹ معطل یا ختم کر دیا ہے وغیرہ مکمل تحریر

پی ایچ پی میں تاریخ اور وقت پر کام کریں

پی ایچ پی میں تاریخ اور وقت پر کیسے کام کریں؟

پروگرامنگ کرتے ہوئے بعض دفعہ کسی خاص وقت کا دورانیہ معلوم کرنے کی ضرورت پیش آتی ہے، مثلاً‌ ایسے کام درج ذیل نوعیت کے ہو سکتے ہیں: (1) ہم یہ جاننا چاہتے ہیں کہ کسی فائل کو بنے ہوئے کتنا عرصہ گزر چکا ہے، اس کی بنیاد پر ہم یہ فیصلہ کرتے ہیں کہ کیا یہ فائل نئی معلومات کے ساتھ نئے سرے سے بنائی جائے یا پھر اس فائل کو ایسے ہی رہنے دیا جائے۔ (2) آپ کسی مقامی مسجد کی ویب سائیٹ پر نمازوں کے اوقات دکھا رہے ہیں، اس میں آپ یہ دکھانا چاہتے ہیں کہ اگلی نماز میں اتنا وقت باقی ہے۔ (3) کسی بس سروس کی ویب سائیٹ پر ہم یہ دکھانا چاہتے ہیں کہ فلاں اسٹاپ پر اگلی بس کا پہنچنا اتنی دیر میں متوقع ہے، وغیرہ۔ مکمل تحریر

پی ایچ پی میں ٹائم زون سیٹ کریں

پی ایچ پی میں ٹائم زون کیسے سیٹ کریں؟

اگر آپ اپنی ویب ایپلی کیشن میں کسی کام کے لیے تاریخ یا وقت پر انحصار کر رہے ہیں تو آپ کے لیے لازمی ہے کہ اس ایپلی کیشن میں ٹائم زون (Timezone) سیٹ کریں۔ کیونکہ ممکن ہے جس کمپیوٹر (Web Server) پر یہ ایپلی کیشن چل رہی ہے وہ کسی دوسرے ملک میں موجود ہو۔ ایسی صورت میں جو تاریخ اور وقت آپ استعمال کر رہے ہیں ان پر اعتماد نہیں کیا جا سکتا کیونکہ وہ تاریخ اور وقت اس ویب سرور کے مقامی ہیں۔ مکمل تحریر

پی ایچ پی میں ایکس ایم ایل ڈیٹا پڑھیں

پی ایچ پی میں ایکس ایم ایل ڈیٹا پڑھیں

سافٹ ویئر ڈیویلپمنٹ کی دنیا میں بہت سی پروگرامنگ لینگویجز اور ڈیٹابیسز استعمال ہوتی ہیں، مختلف ضروریات کےلیے بننے والے سافٹ ویئرز کے لیے طرح طرح کی ٹیکنالوجیز کام میں لائی جاتی ہیں۔ ایسے میں جب ایک سافٹ ویئر کا ڈیٹا کسی دوسرے سافٹ ویئر کو مہیا کرنے کی ضرورت پیش آتی ہے تو وہاں مسئلہ پیدا ہو جاتا ہے۔ اس لیے کہ ایک سافٹ ویئر کا کوڈ اور ڈیٹابیس کا ڈھانچہ (Table structure) دوسرے سافٹ ویئر سے مختلف ہوتے ہیں، دونوں کی آپس میں مطابقت (Compatibility) نہیں ہوتی۔ اس مسئلے کے حل کے لیے XML اسٹینڈرڈ متعارف کرایا گیا جس نے ایک سافٹ ویئر سے دوسرے سافٹ ویئر تک مواد کی ترسیل آسان کر دی۔ مکمل تحریر

پی ایچ پی کے ذریعے ای میل بھیجیں

پی ایچ پی کے ذریعے ای میل بھیجیں

PHP کے ذریعے ای میل بھیجنا بہت آسان ہے۔ ()mail فنکشن استعمال کرتے ہوئے صرف ایک لائن پر مشتمل کوڈ کی مدد سے بھی ای میل بھیجی جا سکتی ہے۔ لیکن PHP کی اس سہولت کا مؤثر استعمال ویب ایپلی کیشن میں ہی کیا جا سکتا ہے۔ ایپلی کیشن میں ہونے والے مختلف کاموں کے نتیجے میں خود کار طریقے سے ای میل بھیج کر آپ متعلقہ لوگوں کو صورت حال سے مطلع کر سکتے ہیں۔ مثال کے طور پر ایسے کام درج ذیل ہو سکتے ہیں: مکمل تحریر

پی ایچ پی میں ایچ ٹی ایم ایل فارم کی پڑتال کریں

پی ایچ پی میں ایچ ٹی ایم ایل فارم کی پڑتال کریں

کوئی ڈیویلپر یہ نہیں چاہتا کہ صارف غلط معلومات مہیا کرے۔ غلط ان معنوں میں کہ نام کی جگہ فون نمبر مہیا کر دیا جائے، ای میل کی جگہ پوسٹل کوڈ لکھ دیا جائے، اور جو معلومات درکار ہیں وہ فراہم کیے بغیر ہی فارم بھیج دیا جائے۔ اگر ایسی معلومات کی پڑتال (Validation) نہ کی جائے تو آپ سمجھ سکتے ہیں کہ ڈیٹابیس میں کس قسم کا ڈیٹا محفوظ ہوگا اور یہ ڈیٹابیس آپ کے لیے کتنی مفید ثابت ہوسکے گی۔ معلومات کی پڑتال کے لیے نئے ڈیویلپرز Javascript بھی استعمال کرتے ہیں جو کہ کسی طرح سے بھی محفوظ طریقہ نہیں ہے، اس لیے کہ یہ کوڈ صارف کے کمپیوٹر پر ویب براؤزر میں چلتا ہے، جبکہ آج کل ایسے ٹولز (Firebug وغیرہ) باآسانی دستیاب ہیں جنہیں استعمال کرتے ہوئے ویب پیج سے Javascript کوڈ ختم کر کے HTML فارم میں اپنی مرضی کی معلومات بھر کر بھیجی جا سکتی ہیں۔ مکمل تحریر

ویب ڈیویلپمنٹ کے لیے ویمپ سرور انسٹال کریں

ویب ڈیویلپمنٹ کے لیے ویمپ سرور انسٹال کریں

ڈیویلپرز اپنے ذاتی کمپیوٹر پر وہ تمام ٹولز اور سافٹ ویئرز انسٹال کر لیتے ہیں جن کی مدد سے ہوسٹنگ اکاؤنٹ اور انٹرنیٹ کنکشن کے بغیر ویب ڈیویلپمنٹ کی جا سکے۔ ویب ایپلی کیشن ڈیویلپمنٹ کے لیے درج ذیل سافٹ ویئر پیکیجز کمپیوٹر پر انسٹال کرنا ضروری ہیں:

  1. خود کار طریقے سے ویب پیجز بنانے کے لیے PHP پروگرامنگ لینگویج
  2. ویب ایپلی کیشنز کا ڈیٹا محفوظ کرنے کے لیے MySQL ڈیٹابیس سسٹم
  3. براؤزر میں ویب ایپلی کیشن چلانے کے لیے Apache ویب سرور
  4. کم سے کم SQL کوڈ لکھتے ہوئے ڈیٹابیسز پر کام کرنے کے لیے phpMyAdmin ویب ایپلی کیشن
  5. ایپلی کیشن کی رفتار ٹیسٹ کرنے کے لیے webGrind یا اس جیسا کوئی دوسرا ٹول
مکمل تحریر

پی ایچ پی کی مدد سے ڈراپ ڈاؤن مینیو کی ویلیو دوبارہ سلیکٹ کریں

پی ایچ پی کی مدد سے ڈراپ ڈاؤن مینیو کی ویلیو دوبارہ سلیکٹ کریں

ویب براؤزر جس کے سامنے صارف بیٹھا ہے، اور ویب سرور جس پر مطلوبہ ویب سائیٹ پڑی ہے، ان دونوں کے درمیان رابطہ HTTP پروٹوکول کے تحت ہوتا ہے۔ یہ رابطہ Stateless ہوتا ہے۔ یعنی براؤزر کی جانب سے سرور کی طرف بھیجی گئی ہر درخواست ایک دوسرے سے الگ اور آزاد ہوتی ہے۔ ویب سرور کی طرف بھیجی گئی ان Requests کا آپس میں کوئی تعلق نہیں ہوتا۔ یہی وجہ ہے کہ جب ہم ویب فارم بھر کے سرور کی طرف بھیجتے ہیں اور سرور کی طرف سے جواب آنے پر وہی ویب پیج دوبارہ لوڈ ہوتا ہے تو فارم میں سے ویلیوز غائب ہو جاتی ہیں۔ چنانچہ اس فارم کی ویلیوز برقرار رکھنے کے لیے ہمیں سرور سے تمام ویلیوز واپس منگوانا پڑتی ہیں۔ یعنی براؤزر اور سرور کے درمیان رابطے کو Stateful بنانے کے لیے ہمیں پروگرامنگ لینگویج مثلاً‌ PHP وغیرہ استعمال کرنا پڑتی ہے۔ مکمل تحریر

پی ایچ پی میں سافٹ ویئرز کے سیریل نمبرز تیار کریں

پی ایچ پی میں سافٹ ویئرز کے سیریل نمبرز تیار کریں

پروگرامنگ کے دوران String concatenation یعنی ڈیٹا کے مختلف ٹکڑوں کو جوڑ کر ایک بڑی اسٹرنگ تیار کرنے کی ضرورت پیش آتی رہتی ہے۔ خاص طور پر ویب ڈیویلپمنٹ میں اس کے بغیر کام نہیں چلتا۔ ویب پروگرامنگ میں ڈیٹابیس سے ریکارڈز حاصل کر کے انہیں HTML ٹیگز کے ساتھ مکس کر کے ویب پیج بنانا معمول کی بات ہے۔ لیکن اسٹرنگ کانکیٹینیشن کا استعمال صرف اسی تک محدود نہیں ہے۔ ایپلی کیشن کی نوعیت اور ضرورت کے مطابق اس کے کئی طرح کے استعمالات ہو سکتے ہیں۔ میں اس ٹٹوریل میں اسٹرنگ کانکیٹینیشن کا ایک استعمال پیش کر رہا ہوں، امید ہے یہ آپ کے ذہن میں مزید آئیڈیاز پیدا کرنے میں معاون ثابت ہوگا۔ مکمل تحریر

پی ایچ پی کی مدد سے رنگ دار سطروں پر مشتمل ایچ ٹی ایم ایل ٹیبل بنائیں

ہماری زندگیوں میں رنگوں کی بہت اہمیت ہے۔ رنگ نہ صرف چیزوں کو خوبصورت بناتے ہیں بلکہ چیزوں کے درمیان فرق کرنے میں اضافی مدد دیتے ہیں۔ بچپن میں جب ہم مسجد میں پڑھا کرتے تھے، ہمارے قاری صاحب نے اپنے پاس مختلف رنگوں کے مارکر رکھے ہوتے تھے۔ ان کے ساتھ وہ ہمیں قرآن کریم پر نشان لگا کر دیتے تھے کہ یہاں غنہ کرنا ہے، یہاں اخفا کرنا ہے، یہاں ترقیق کرنی ہے، اور یہاں تفخیم کرنی ہے وغیرہ۔ اس کا فائدہ یہ ہوتا کہ ہم سبق یاد کرتے وقت قرآن کریم تجوید کے ساتھ پڑھنے کی کوشش کرتے تھے۔ دنیا بھر میں بچوں کی کتابوں سے لے کر ٹریفک لائٹس تک رنگ استعمال کیے جاتے ہیں تاکہ دیکھنے والے چیزوں یا صورت حال کو بہتر طریقے سے پہچان سکیں۔ مکمل تحریر

ویب ایپلی کیشن کیسے کام کرتی ہے؟

ایسا سافٹ ویئر جو ویب براؤزر پر چلتا ہے اسے ویب ایپلی کیشن کہتے ہیں۔ چونکہ براؤزر تقریباً‌ ہر قسم کے کمپیوٹر (ڈیسک ٹاپ، لیپ ٹاپ، ٹیب اور سمارٹ فون وغیرہ) پر موجود ہوتا ہے، اس لیے ویب ایپلی کیشن ان سب پر استعمال کی جا سکتی ہے۔ اسی طرح براؤزر ہر پلیٹ فارم (ونڈوز، میک اور لینکس وغیرہ) پر دستیاب ہوتا ہے، اس لیے ویب ایپلی کیشن ان سب آپریٹنگ سسٹمز پر چلائی جا سکتی ہے۔ اگر ویب ایپلی کیشن کو چلانے کیلئے درکار ویب سرور، پروگرامنگ اور ڈیٹابیس کے سافٹ ویئرز مقامی کمپیوٹر پر انسٹال کر لیے جائیں تو ویب ایپلی کیشن کو بطور ڈیسک ٹاپ ایپلی کیشن بھی چلایا جا سکتا ہے، یعنی پھر اسے چلانے کے لیے انٹرنیٹ کنکشن کی ضرورت نہیں رہتی۔ اس ٹٹوریل میں انفوگرافک کی مدد سے ویب ایپلی کیشن کا ایک عمومی خاکہ پیش کیا گیا ہے جس کا مقصد ویب ایپلی کیشن کے کام کا طریقہ کار واضح کرنا ہے۔ مکمل تحریر

پی ایچ پی میں کیلنڈر بنائیں

پی ایچ پی میں کیلنڈر بنائیں

اگر ہمارا مقصد یہ ہے کہ PHP کی مدد سے کسی بھی مہینے کی تاریخیں پرنٹ کی جائیں، تو ایک loop استعمال کرتے ہوئے ایسا کیا جا سکتا ہے۔ اس مہینے کے دنوں کی جو تعداد ہے، یہ لوپ اتنے ہی چکر کاٹے گا، اور ہر چکر میں ایک دن کی ویلیو بڑھا کر پرنٹ کر دی جائے گی۔ لیکن ہم چاہتے ہیں کہ مکمل مہینے کی تاریخیں ایک کیلنڈر کی شکل میں پرنٹ ہوں۔ یعنی ٹیبل کی پہلی سطر میں ہفتے کے دنوں کے نام موجود ہوں، اور ان کے نیچے مہینے کے تمام دنوں کی تاریخیں ہفتہ وار درج ہوں۔ پھر ہم یہ بھی چاہتے ہیں کہ موجودہ مہینے کی ویلیوز نمایاں ہوں، جبکہ پچھلے اور اگلے مہینے کی ویلیوز ہلکے رنگوں میں ہوں۔ اس کے علاوہ ہم اتوار اور جمعہ کے دنوں کی تاریخیں مختلف رنگوں میں دکھانا چاہتے ہیں۔ مکمل تحریر

پی ایچ پی کی مدد سے ویب پیج کے مخصوص حصے حاصل کریں

پی ایچ پی کی مدد سے ویب پیج کے مخصوص حصے حاصل کریں

آپ جانتے ہوں گے کہ Parsing کامطلب کسی چیز کے حصے بخرے کر کے ان حصوں کا تجزیہ کرنا ہوتا ہے۔ پارسنگ کمپیوٹر پروگرامنگ کا ایک اہم موضوع ہے جس کے تحت ڈیٹا پراسیسنگ کے مختلف کام سر انجام دیے جاتے ہیں۔ پارسنگ کا مقصد پروگرامنگ کے ذریعے وہ ڈیٹا حاصل کرنا ہے جو کسی ٹیکسٹ فائل (ویب پیج وغیرہ) میں موجود ہے اور اسے ہم نئے سرے سے ٹائپ نہیں کرنا چاہتے۔ اس تحریر میں پہلے یہ دیکھا جائے گا کہ پارسنگ کے ذریعے کسی بھی ویب پیج کے کونسے حصے حاصل کیے جا سکتے ہیں۔ پھر اس کا مقصد ذکر کیا جائے گا کہ آخر پارسنگ کیوں کی جاتی ہے۔ اس کے بعد مختصرً ا یہ بتایا جائے گا کہ پروگرامنگ لینگویجز میں پارسنگ کیسے جاتی ہے۔ اور پھر آخر میں PHP کوڈ کی مثالوں کے ذریعے پارسنگ کا عمل واضح کیا جائے گا۔ مکمل تحریر

پی ایچ پی کی مدد سے شماریات کا ڈیٹا اکٹھا کریں

پی ایچ پی کی مدد سے شماریات کا ڈیٹا اکٹھا کریں

اس تحریر کا مقصد یہ ہے کہ اگر آپ PHP کی مدد سے کوئی ویب سائیٹ یا پھر ویب ایپلی کیشن تیار کر رہے ہیں تو اس میں یہ صلاحیت بھی شامل کردیں کہ وہ ضروری حد تک شماریات اکٹھی کر سکے۔ یعنی یہ معلوم کر سکے کہ یہ ویب سائیٹ کس تعداد میں وزٹ کی جا رہی ہے، کن اوقات میں اس کا زیادہ استعمال ہو رہا ہے، اس کے کونسے صفحات زیادہ دیکھے جا رہے ہیں، اور اسے کونسے براؤزرز، آپریٹنگ سسٹمز اور ڈیوائسز پر وزٹ کیا جا رہا ہے وغیرہ۔ اس ٹٹوریل کا مقصد Stats کی باقاعدہ ایپلی کیشن بنانا نہیں ہے، بلکہ اس کا مقصد یہ دیکھنا ہے کہ PHP کے سرور ویری ایبلز میں جو معلومات موجود ہوتی ہیں ان کی مدد سے ہم اپنی ویب سائیٹ یا ویب ایپلی کیشن کے لیے شماریات کا ڈیٹا کیسے اکٹھا کر سکتے ہیں۔ مکمل تحریر

پی ایچ پی کے ذریعے ویب سرور پر فائل اپ لوڈ کریں

پی ایچ پی کے ذریعے ویب سرور پر فائل اپ لوڈ کریں

PHP پروگرامر کے لیے جن امور کا جاننا ضروری ہے ان میں سے ایک یہ بھی ہے کہ Server پر اپ لوڈ ہونے والی فائل کیسے ہینڈل کی جاتی ہے۔ ویب سرور پر اپ لوڈ ہونے والی فائل ایک عارضی فولڈر میں محفوظ کی جاتی ہے۔ PHP اس فائل کے متعلق مختلف نوعیت کی معلومات فراہم کرتی ہے جن کی مدد سے آپ اپنی ایپلی کیشن میں یہ فیصلہ کر سکتے ہیں کہ یہ فائل قابل قبول ہے یا نہیں۔ اگر فائل آپ کی طے کردہ شرائط پر پورا نہ اترے تو پھر اسے کچھ عرصہ کے بعد عارضی فولڈر سے ڈیلیٹ کر دیا جاتا ہے۔ اور اگر یہ فائل طے کردہ شرائط کے مطابق ہے تو آپ بذریعہ کوڈ اسے عارضی فولڈر سے اپنی مرضی کے فولڈر میں منتقل کر لیتے ہیں۔ مکمل تحریر

پی ایچ پی میں فیصلہ کیلئے ٹرنری آپریٹرز استعمال کریں

پی ایچ پی میں فیصلہ کیلئے ٹرنری آپریٹرز استعمال کریں

اگرچہ ماہرین یہ مشورہ دیتے ہیں کہ پروگرامرز کو آسان اور واضح کوڈ لکھنا چاہیے تاکہ اگر ان کا کوڈ کوئی اور پروگرامر پڑھے تو اسے سمجھنے کے لیے زیادہ مغز کھپائی نہ کرنی پڑے، اور یہ کہ اس آسانی کے لیے اگر کچھ زیادہ کوڈ بھی لکھنا پڑے تو اس سے گریز نہ کیا جائے۔ لیکن بعض اوقات صورت حال کچھ ایسی ہوتی ہے کہ کوڈ کا غیر ضروری پھیلاؤ ہی اسے سمجھنے میں مشکل پیدا کر دیتا ہے۔ مختلف پروگرامنگ لینگوئجز میں شاید اسی مقصد کے لیے Ternary operators متعارف کرائے گئے ہیں۔ ٹرنری آپریٹرز کا طریقہ ایسی If-statement کی جگہ پر استعمال کیا جاتا ہے جس کے بلاک میں صرف ایک لائن کا کوڈ ہو۔ آئیں اس کا استعمال دیکھتے ہیں۔ مکمل تحریر

پی ایچ پی کی مدد سے ٹیبل کی سطروں کے متبادل رنگ مقرر کریں

پی ایچ پی کی مدد سے ایچ ٹی ایم ایل ٹیبل کی سطروں کے متبادل رنگ مقرر کریں

ماہرین کا خیال ہے کہ اگر ٹیبل کی سطروں کا رنگ مختلف ہو تو نظروں کے بھٹکنے کا امکان کم ہو جاتا ہے۔ یعنی دیکھنے والے کو رنگوں کی وجہ سے اپنی نظریں جمائے رکھنے میں مدد ملتی ہے۔ ویب پروگرامنگ میں عموماً‌ ڈیٹابیس سے ریکارڈز حاصل کر کے HTML ٹیبل کی شکل میں دکھائے جاتے ہیں۔ ایسا کرتے وقت اگر آپ ٹیبل کی سطروں کے رنگ مختلف کر دیں تو نہ صرف یہ ڈیٹا دیکھنے میں اچھا لگے گا، بلکہ صارف کو ڈیٹا پڑھنے میں اضافی سہولت مل جائے گی۔ اس ٹٹوریل میں PHP کی مدد سے اس کا طریقہ بتایا گیا ہے لیکن یہ تکنیک دیگر پروگرامنگ لینگوئجز میں بھی استعمال کی جا سکتی ہے۔


مکمل تحریر

پی ایچ پی کی مدد سے تصویر پر لکھیں

پی ایچ پی کی مدد سے تصویر پر لکھیں

PHP پروگرامنگ لینگوئج میں GD کے نام سے ایک لائبریری شامل ہے جو نئی تصویر بنانے اور پرانی تصویر پر لکھنے کی سہولت مہیا کرتی ہے۔ اس لائبریری میں بہت سے فنکشنز موجود ہیں جن کی مدد سے نہ صرف مختلف رنگوں اور فونٹس کے ساتھ عبارتیں لکھی جا سکتی ہیں بلکہ مختلف ڈرائنگز مثلاً‌ لائن، ڈبے اور دائرے وغیرہ بھی بنائے جا سکتے ہیں۔ اس ٹٹوریل میں ہم ایک نمونے کی تصویر پر PHP کوڈ کی مدد سے عبارت لکھیں گے اور پھر اسے نئی تصویر کے طور پر محفوظ کریں گے۔ آئیں مختصر طور پر اس کا طریقہ دیکھتے ہیں: مکمل تحریر

پی ایچ پی میں چیک باکس کی ویلیو حاصل کریں

پی ایچ پی میں چیک باکس کی ویلیو کیسے حاصل کریں

ویب فارم میں چیک باکسز اس لیے شامل کیے جاتے ہیں تاکہ مختلف چیزوں کے بارے میں صارف کی دل چسپی معلوم کی جا سکے۔ چیک باکس کی مدد سے کسی معاملے میں صارف سے ہاں یا ناں میں جواب معلوم کیا جاتا ہے۔ اگر صارف نے چیک باکس منتخب کیا ہے تو اس کا مطلب ہاں ہے، اگر نہیں کیا تو اس کا مطلب ناں ہے۔ اس ٹٹوریل میں یہ بتایا گیا ہے کہ صارف جب HTML فارم سرور پر بھیجتا ہے تو سرور پر موجود PHP کوڈ میں اس فارم کے چیک باکسز کی ویلیوز کیسے حاصل کی جا سکتی ہیں۔ آئیں اس کے دو طریقے دیکھتے ہیں: مکمل تحریر

پی ایچ پی کی مدد سے مائی ایس کیو ایل ڈیٹابیس کے بنیادی امور سر انجام دیں

پی ایچ پی کی مدد سے مائی ایس کیو ایل ڈیٹابیس کے بنیادی امور سر انجام دیں

ویب ایپلی کیشنز کی تیاری کے لیے غالباً‌ PHP سب سے مقبول پروگرامنگ لینگوئج ہے، اور اس کے ساتھ سب سے زیادہ استعمال ہونے والی ڈیٹابیس MySQL ہے۔ ان دونوں کا استعمال آپ کو چھوٹے سائز کی کاروباری ایپلی کیشنز سے لے کر بڑے سائز کی سوشل میڈیا ایپلی کیشنز میں نظر آئے گا۔ اس ٹٹوریل میں PHP کی مدد سے MySQL ڈیٹابیس کے بنیادی کام سر انجام دینے کا طریقہ دکھایا گیا ہے۔ مثلاً‌ ڈیٹابیس ٹیبل میں ریکارڈ داخل کرنا، ڈیٹابیس ٹیبل سے ریکارڈز حاصل کرنا، ریکارڈ میں تبدیلی کرنا، ریکارڈ ختم کرنا، اور ڈیٹابیس ٹیبل سے ریکارڈز تلاش کرنا وغیرہ۔ اس مقصد کے لیے ایک نمونے کی MySQL ڈیٹابیس بنائی گئی ہے، اور اس ڈیٹابیس پر کام کرنے کے لیے مختصر لیکن عملی نوعیت کی PHP ایپلی کیشن تیار کی گئی ہے۔ مکمل تحریر

پی ایچ پی اور مائی ایس کیو ایل کی مدد سے کاؤنٹر ایپلی کیشن تیار کریں

گزشتہ ٹٹوریل میں یہ بتایا گیا تھا کہ اگر آپ اپنی ویب سائیٹ پر صارفین کی تعداد دکھانا چاہیں تو اس کے لیے ویب کاؤنٹر کی کوئی سروس کیسے استعمال کی جا سکتی ہے۔ اس ٹٹوریل میں ہم یہ دیکھیں گے کہ PHP لینگوئج اور MySQL ڈیٹابیس کی مدد سے ہم اپنی ایک کاؤنٹر ایپلی کیشن کیسے تیار کر سکتے ہیں۔ یہ ایپلی کیشن بہت سادہ سی ہے اور اسے آپ بہت سی ویب سائیٹس پر کاؤنٹر دکھانے کے لیے استعمال کر سکتے ہیں۔ یہ ایپلی کیشن دو طرح کی گنتی ڈیٹابیس میں محفوظ کرتی ہے۔ ایک Site visits یعنی کسی بھی صارف نے ویب سائیٹ کتنی مرتبہ وزٹ کی۔ دوسری Page visits یعنی صارف نے ویب سائیٹ کے کتنے صفحات دیکھے۔ مکمل تحریر

پی ایچ پی میں صارف کے براؤزر اور آپریٹنگ سسٹم کی معلومات حاصل کریں

پی ایچ پی میں صارف کے براؤزر اور آپریٹنگ سسٹم کی معلومات حاصل کریں

اگر آپ یہ جاننا چاہتے ہیں کہ صارف کس براؤزر اور آپریٹنگ سسٹم سے آپ کی ایپلی کیشن یا ویب سائیٹ وزٹ کر رہا ہے تو PHP یہ معلومات ایک اسٹرنگ میں مہیا کرتی ہے۔ لیکن یہ اسٹرنگ کچھ ایسی پیچیدہ اور بے ترتیب ہوتی ہے کہ اس میں سے براؤزر کا نام اور ورژن، اور آپریٹنگ سسٹم کا نام اور ورژن حاصل کرنا مشکل کام ہے۔ اس ٹٹوریل میں یہ اسٹرنگ پارس کرنے کا کوڈ پیش کیا جا رہا ہے جو دو مختلف جگہوں سے حاصل کر کے یکجا کیا گیا ہے۔ اصل ایپلی کیشن میں تو آپ یہ معلومات ڈیٹابیس یا کسی لاگ فائل میں محفوظ کریں گے، لیکن یہ اسکرپٹ اسی طرح چلانے پر اس کی ویلیوز براؤزر میں درج ذیل طریقے سے پرنٹ ہوں گی۔ مکمل تحریر

پی ایچ پی میں تعارفی کارڈ کی ایپلی کیشن بنائیں

آپ جانتے ہیں کہ ویب ایپلی کیشن ایک بہت فائدہ مند قسم کا سافٹ ویئر ہے جو کہ صارف کے براؤزر پر چلتا ہے۔ ویب ایپلی کیشن کو انٹرنیٹ کے ذریعے بہت سے صارفین بیک وقت استعمال کر سکتے ہیں۔ عموماً‌ ویب ایپلی کیشن کا خیال ڈیٹابیس کے بغیر ذہن میں نہیں آتا، کیونکہ تقریباً‌ ہر اس ایپلی کیشن کے لیے ڈیٹابیس ضروری ہے جس نے صارف کا ڈیٹا محفوظ کرنا ہو۔ لیکن ویب ایپلی کیشن کے بہت سے استعمالات ایسے ہیں کہ جن میں ڈیٹابیس ضروری نہیں ہے۔ اس ٹٹوریل میں تعارفی کارڈ تیار کرنے والی ایک سادہ سی ویب ایپلی کیشن پیش کی جا رہی ہے جو صرف تین فائلز پر مشتمل ہے اور اس کے لیے ڈیٹابیس استعمال نہیں کی گئی۔ مکمل تحریر

پی ایچ پی میں ایک بنیادی لاگن سسٹم تیار کریں

ویب ڈیویلپرز ایسی یوٹیلٹی قسم کی ایپلی کیشنز بناتے رہتے ہیں جنہیں وہ لوکل ہوسٹ پر بھی استعمال کرتے ہیں اور حسب ضرورت پبلک ویب سرور پر بھی اپ لوڈ کرتے ہیں۔ چونکہ ایسی ایپلی کیشنز سے عموماً ڈیٹا پراسیسنگ اور فائل ہینڈلنگ وغیرہ نوعیت کے کام لیے جاتے ہیں اس لیے ویب ڈیویلپرز نہیں چاہتے کہ پبلک ویب سرور پر ان کے علاوہ انہیں کوئی اور استعمال کرے۔ لیکن ایسی عمومی اور مختصر ایپلیکیشنز کے لیے ایک پورا لاگن سسٹم انسٹال کرنا ضرورت سے بڑا کام بن جاتا ہے۔ عام طور پر اس کا حل اس طرح کیا جاتا ہے کہ ایپلیکیشن کے فولڈر کا ایسا مشکل نام رکھا جائے جو کوئی اور شخص اندازے سے معلوم نہ کر سکے۔ اگرچہ یہ طریقہ مکمل تحریر

پی ایچ پی میں بار گراف بنانے والی ویب ایپلی کیشن تیار کریں

اس ٹٹوریل میں ہم بار گراف بنانے والی ایک چھوٹی سی ویب ایپلیکیشن تیار کرنے کا عمل دیکھیں گے۔ اگرچہ یہ بار گراف ایسا پرفیکٹ نہیں ہوگا جیسا کہ اسپریڈ شیٹ سافٹ ویئرز کی مدد سے بنایا جاتا ہے لیکن میرے خیال میں یہ ایک اچھی پروگرامنگ ایکسرسائز ہوگی۔ اس ویب ایپلی کیشن میں خاص کردار PHP اور CSS کا ہے کیونکہ پروگرامنگ کے مدد سے ہم ویلیوز کی کیلکولیشن کریں گے اور اسٹائلز کی مدد سے ہم یہ بار گراف مختلف رنگوں میں دکھائیں گے۔ اس کے علاوہ اس ویب ایپلی کیشن میں HTML فارم کے ساتھ PHP اررے کا ایک خاص استعمال دکھایا گیا ہے جو اس جیسے دیگر پراجیکٹس کے لیے بھی مفید اور کار آمد ہو سکتا ہے۔ مکمل تحریر

پی ایچ پی میں عبارتوں کا موازنہ کرنے والی ایپلیکیشن بنائیں

دو عبارتوں کے موازنے کا مطلب یہ ہے کہ ان کے درمیان فرق اور مماثلت معلوم کی جائے۔ مثلاً میں اپنے کسی پرانے مضمون کو بہتر بنانے کے لیے اس کی ایک نقل بنا کر اس میں تبدیلیاں کروں گا۔ ان تبدیلیوں کے بعد میں چاہوں گا کہ ان دونوں مضامین کا آپس میں موازنہ کر کے معلوم کروں کہ تبدیل شدہ تحریر پہلی تحریر سے کس قدر بہتر ہے۔ چنانچہ یہ ٹیکسٹ پراسیسنگ کا ایک مسئلہ ہے جسے کمپیوٹر پروگرامنگ کے ذریعے حل کیا جا سکتا ہے اور اس ٹٹوریل میں ہم یہی کرنے کی کوشش کریں گے۔ اس مقصد کے لیے ہم PHP استعمال کرتے ہوئے ایک چھوٹی سی ویب ایپلیکیشن بنائیں گے جو دو عبارتوں کا موازنہ کرنے میں ہماری مدد کرے گی۔ مکمل تحریر