اوپن آفس رائٹر میں نمازوں کا ٹائم ٹیبل بنائیں
بعض مساجد میں یہ رواج ہے کہ ہر مہینے کے آخری جمعۃ المبارک کے موقع پر اگلے مہینے کی نمازوں کا ٹائم ٹیبل نمازیوں میں تقسیم کیا جاتا ہے۔ نمازوں کے اس ٹائم ٹیبل سے یہ پتہ چلتا ہے کہ کسی بھی نماز کا وقت کب داخل ہوتا ہے۔ لوگ یہ ٹائم ٹیبل اپنے ساتھ گھروں کو لے جاتے ہیں جسے خواتین گھر میں کسی نمایاں جگہ مثلاً فریج وغیرہ پر چسپاں کر دیتی ہیں، تاکہ گھریلو کاموں کے دوران نماز کے وقت کی یاد دہانی ہوتی رہے اور جب بھی موقع ملے وہ نماز ادا کر سکیں۔ یا پھر اس ٹائم ٹیبل سے وہ حضرات فائدہ اٹھاتے ہیں جو کسی وجہ سے نماز کے لیے مسجد نہیں جا سکتے بلکہ دفتر وغیرہ میں ہی حسب موقع نماز پڑھتے ہیں۔ مکمل تحریر
Modified: Wed, 02/14/2018 - 12:58
اوپن آفس رائٹر کی بنی بنائی ٹمپلیٹس استعمال کریں
کسی بھی دستاویز (Document) کی تیاری بھرپور توجہ چاہتی ہے۔ ڈاکومنٹ کے مواد (Content) کی تیاری کے لیے تو وقت درکار ہوتا ہی ہے، لیکن ڈاکومنٹ کی سجاوٹ (Formatting) پر بھی اچھا خاصا وقت صرف ہوجاتا ہے۔ لیکن اگر آپ کو اپنی ڈاکومنٹ کے لیے ایک بنا بنایا سانچہ (Template) مل جائے تو ڈاکومنٹ کی فارمیٹنگ پر صرف ہونے والا وقت کافی حد تک بچایا جا سکتا ہے۔ ڈاکومنٹ کا مواد ٹیمپلیٹ میں بھریں، مواد کی نوک پلک سیدھی کریں، بس آپ کی ڈاکومنٹ تیار ہے۔ مکمل تحریر
Modified: Mon, 03/30/2015 - 06:43
اوپن آفس رائٹر میں سی وی تیار کریں
ویسے تو کمپیوٹر کے عام صارفین تھوڑی بہت ورڈ پروسیسنگ جانتے ہیں، لیکن بالفرض اگر آپ ان صارفین میں سے نہیں ہیں تو پھر یہ ٹٹوریل آپ کے لیے ہے۔ Writer ایک ورڈ پروسیسنگ کا سافٹ ویئر ہے جو کہ مفت دستیاب ہے۔ یہ سافٹ ویئر Word کے متبادل کے طور پر استعمال کیا جاتا ہے۔ اس ٹٹوریل میں اوپن آفس رائٹر استعمال کرتے ہوئے ایک سادہ سی CV بنانے کا طریقہ بتایا گیا ہے۔ اس میں فارمیٹنگ کے بنیادی فیچرز استعمال کیے گئے ہیں مثلاً ہیڈنگز، الائنمنٹ، بلٹس، ٹیبز اور انڈینٹیشن وغیرہ۔ اس کے علاوہ ڈاکومنٹ میں تصویر شامل کرنے کا طریقہ بھی دکھایا گیا ہے۔ عموماً ورڈ پروسیسنگ کے سافٹ ویئرز کا انٹرفیس ایک جیسا ہی ہوتا ہے، چنانچہ یہ ٹٹوریل آپ کو دوسرے سافٹ ویئرز میں بھی فائدہ دے سکتا ہے۔ مکمل تحریر
Modified: Mon, 03/30/2015 - 06:41
ونڈوز پر کسی بھی ڈاکومنٹ کو پی ڈی ایف فائل میں تبدیل کریں
PDF ایک مقبول فائل فارمیٹ ہے جسے عموماً فائل شیئر کرنے کے لیے استعمال کیا جاتا ہے۔ چونکہ تقریباً ہر کمپیوٹر (ڈیسک ٹاپ، سمارٹ فون وغیرہ) پر پی ڈی ایف فائل پڑھنے کے لیے ریڈر سافٹ ویئر پہلے سے موجود ہوتا ہے، اس لیے کسی کو اصل سافٹ ویئر کی فائل بھیجنے کی بجائے پی ڈی ایف فائل بھیجی جائے تو اس بات کا زیادہ امکان ہوتا ہے کہ مطلوبہ شخص اس فائل سے استفادہ کر سکے گا۔ اس مقصد کے لیے بہت سے PDF Converters دستیاب ہیں جو کمپیوٹر پر ایک Printer ڈرائیور کے طور پر انسٹال ہوتے ہیں۔ یعنی آپ کسی بھی سافٹ ویئر سے اس پرنٹر پر پرنٹ کر کے مطلوبہ فائل کو پی ڈی ایف میں تبدیل کر سکتے ہیں۔ مکمل تحریر
Modified: Mon, 04/23/2018 - 22:02
اوپن آفس میں مارک شیٹس تیار کریں
اگر آپ نے ایک ہی خط دو سو لوگوں کو بھیجنا ہو تو اس کے لیے آپ کیا کریں گے؟ بظاہر اس کا طریقہ یہ ہے کہ کاپی پیسٹ کر کے خط کی دو سو نقلیں بنائیں اور پھر ہر نقل میں بندے کا نام اور اس کی دیگر معلومات تبدیل کریں۔ لیکن تمام معروف آفس سافٹ ویئرز میں Mail Merge کا ایک فیچر مہیا کیا جاتا ہے جس کی مدد سے اس نوعیت کا کام آسان ہو جاتا ہے۔ اس کا طریقہ کچھ یوں ہے: (1) پہلے ہم ایک اسپریڈ شیٹ فائل میں تمام لوگوں کے نام اور متعلقہ معلومات لکھ لیتے ہیں۔ (2) پھر ایک ورڈ پراسیسر کی فائل میں مطلوبہ خط تیار کر لیتے ہیں۔ (3) اس کے بعد آفس میں مہیا کیے گئے فیچر کو استعمال کرتے ہوئے ان دونوں فائلز کی مدد سے مطلوبہ خطوط تیار کر لیتے ہیں۔ مکمل تحریر
Modified: Sat, 02/10/2018 - 19:11