Web Development

Media queries کے ذریعے براؤزر کی ونڈو کی چوڑائی معلوم کر کے یہ دیکھا جا سکتا ہے کہ یہ ویب سائیٹ اس وقت کمپیوٹر اسکرین پر دیکھی جا رہی ہے یا پھر کسی چھوٹی ڈیوائس یعنی سمارٹ فون وغیرہ پر۔ اور یہ کہ اگر صارف یہ ویب پیج کسی سمارٹ فون پر دیکھ رہا ہے تو اس فون کا رخ اونچائی (Portrait) کی طرف ہے یا چوڑائی (Landscape) کی طرف۔ پھر اس بنیاد پر یہ فیصلہ کیا جا سکتا ہے کہ اس ویب پیج پر کونسے CSS رولز استعمال کیے جائیں۔ اگر کمپیوٹر اسکرین ہے تو اس پر اتنی جگہ دستیاب ہوتی ہے کہ ایک سے زیادہ کالم ساتھ ساتھ دکھائے جا سکتے ہیں، لیکن سمارٹ فون کی اسکرین چھوٹی ہونے کی وجہ سے عموماً‌ ایسا نہیں کیا جا سکتا اور اسکرین پر ایک کالم دکھانا ہی مناسب رہتا ہے۔ مکمل تحریر

پروگرامنگ لینگویج کے حوالے سے نئے پروگرامرز کو جو چیزیں الجھن میں ڈالتی ہیں ان میں سے ایک تاریخ کی فارمیٹنگ بھی ہے۔ تاریخ کی فارمیٹنگ کی ضرورت اس لیے پڑتی ہے کہ دنیا بھر کے ممالک میں تاریخ مختلف طریقوں سے لکھی جاتی ہے۔ ایک ملک میں تاریخ لکھنے کی ترتیب دوسرے ملک سے مختلف ہو سکتی ہے، مثلاً‌ کسی ملک میں مہینہ پہلے لکھا جاتا ہے اورکسی ملک میں دن پہلے لکھا جاتا ہے۔ اسی طرح حسب ضرورت تاریخ لکھنے کا انداز بھی مختلف ہو سکتا ہے، کبھی مہینے یا دن کا پورا نام لکھنے کی ضرورت پیش آتی ہے اور کبھی صرف ہندسوں کی شکل میں لکھنے سے کام چل جاتا ہے۔ آئیں پہلے تاریخ کے متعلق کچھ ضروری باتیں جان لیتے ہیں، اس کے بعد PHP کی مثالوں سے تاریخ کو فارمیٹ کرنے کا تصور واضح ہو جائے گا۔ مکمل تحریر

Timestamp سے مراد ایسا وقت ہے جب کوئی خاص بات یا واقعہ رونما ہو۔ کمپیوٹر پروگرامنگ میں ٹائم اسٹیمپ تاریخ اور وقت دونوں پر مشتمل ہوتی ہے۔ اس کا انحصار پروگرام کی ضرورت پر ہوتا ہے کہ آپ ٹائم اسٹیمپ کی صرف تاریخ، صرف وقت، یا پھر دونوں استعمال کریں۔ مثال کے طور پر پروگرامنگ کے دوران ٹائم اسٹیمپ درج ذیل کاموں کی تاریخ اور وقت محفوظ کرنے کے لیے استعمال ہو سکتی ہے: کسی ممبر نے نیا اکاؤنٹ بنایا ہے، کسی ممبر نے اپنے اکاؤنٹ سے کوئی ریکارڈ مثلاً‌ اپنا پرانا ایڈریس ختم کیا ہے، کسی ممبر نے خریداری کا کوئی آرڈر بنایا ہے، کسی ممبر نے اپنا اکاؤنٹ معطل یا ختم کر دیا ہے وغیرہ مکمل تحریر

اگر آپ اپنی ویب ایپلی کیشن میں کسی کام کے لیے تاریخ یا وقت پر انحصار کر رہے ہیں تو آپ کے لیے لازمی ہے کہ اس ایپلی کیشن میں ٹائم زون (Timezone) سیٹ کریں۔ کیونکہ ممکن ہے جس کمپیوٹر (Web Server) پر یہ ایپلی کیشن چل رہی ہے وہ کسی دوسرے ملک میں موجود ہو۔ ایسی صورت میں جو تاریخ اور وقت آپ استعمال کر رہے ہیں ان پر اعتماد نہیں کیا جا سکتا کیونکہ وہ تاریخ اور وقت اس ویب سرور کے مقامی ہیں۔ مکمل تحریر

جب ایک ویب پیج کسی براؤزر میں لوڈ ہوتا ہے تو HTML پر لگائے گئے CSS رولز بھی اس کے ساتھ لوڈ ہوتے ہیں۔ یہ اسٹائل رولز ویب پیج کے ساتھ منسلک کی گئی اسٹائل شیٹ فائل میں بھی ہو سکتے ہیں، ویب پیج کے head ٹیگ کے اندر موجود style ٹیگ میں بھی ہو سکتے ہیں، اور HTML کے کسی انفرادی ٹیگ کے اندر بھی ہو سکتے ہیں۔ جونہی ویب پیج لوڈ ہوتا ہے براؤزر HTML پر CSS رولز اپلائی کر کے یہ ویب پیج صارف کو دکھا دیتا ہے۔ اگر آپ چاہتے ہیں کہ آپ کی ایپلی کیشن کا صارف ویب پیجز کے منتخب اسٹائلز اپنی مرضی سے تبدیل کر سکے، تو اس کام کے لیے Javascript استعمال کیا جا سکتا ہے جو ویب پیج کو دوبارہ لوڈ کیے بغیر فوری طور پر مطلوبہ CSS اسٹائلز HTML پر لگا دیتا ہے اور براؤزر اس تبدیلی کو فوراً‌ دکھا دیتا ہے۔ مکمل تحریر

اگر آپ چاہتے ہیں کہ وہ Javascript کوڈ جو آپ نے اپنی ویب ایپلی کیشن یا ویب سائیٹ کے لیے لکھا ہے اسے ہر براؤزر میں ٹیسٹ نہ کرنا پڑے تو پھر jQuery استعمال کریں۔ جے کیوئری لائبریری بذات خود جاوا اسکرپٹ کوڈ پر مشتمل ہے اور یہ ڈیویلپرز کی آسانی کے لیے تیار کی گئی ہے۔ جے کیوئری لائبریری نہ صرف کوڈ لکھنے کا آسان طریقہ فراہم کرتی ہے بلکہ اس کی مدد سے کم کوڈ لکھتے ہوئے زیادہ کام کیا جا سکتا ہے۔ جے کیوئری استعمال کرنے کے لیے پہلے اس لائبریری کی فائل ویب پیج کے head سیکشن میں شامل کرنا ہوتی ہے، پھر جے کیوئری کے $(document).ready() فنکشن کو اپنا کوڈ مہیا کرنا ہوتا ہے۔ جیسے ہی براؤزر میں ویب پیج لوڈ ہوتا ہے، یہ کوڈ موثر ہو جاتا ہے۔ آئیں جے کیوئری کے استعمال کی کچھ مثالیں دیکھتے ہیں: مکمل تحریر

++Notepad دنیا بھر کے پروگرامرز میں بہت مقبول ہے۔ اس کی وجہ نوٹ پیڈ کے بہت سے مفید فیچرز ہیں جو کوڈنگ اور ٹیکسٹ ایڈیٹنگ میں سہولت فراہم کرتے ہیں۔ نوٹ پیڈ کے اصل ورژن میں شامل فیچرز کے علاوہ ماہر پروگرامرز نے اس کے لیے بہت سے کارآمد Plugins بھی تیار کیے ہیں جو نوٹ پیڈ کی کارکردگی اور افادیت میں اضافہ کرتے ہیں۔

نوٹ پیڈ ++ کے نمایاں فیچرز یہ ہیں: کوڈ کے حصوں کو مختلف رنگوں میں دکھانا۔ کوڈ کے جن حصوں کی فی الوقت ضرورت نہ ہو، انہیں فولڈ کرنا۔ فائل کی مختلف لائنوں پر بک مارکس لگانا۔ بیک وقت بہت سی فائلوں میں تلاش اور تبدیلیاں کرنا۔ انگلش یا اردو زبان کے اعتبار سے لکھائی کی سمت تبدیل کرنا وغیرہ۔

آئیں نوٹ پیڈ کے مختلف مفید فیچرز اور ان کے استعمال کا طریقہ دیکھتے ہیں۔ مکمل تحریر

PHP کے ذریعے ای میل بھیجنا بہت آسان ہے۔ ()mail فنکشن استعمال کرتے ہوئے صرف ایک لائن پر مشتمل کوڈ کی مدد سے بھی ای میل بھیجی جا سکتی ہے۔ لیکن PHP کی اس سہولت کا مؤثر استعمال ویب ایپلی کیشن میں ہی کیا جا سکتا ہے۔ ایپلی کیشن میں ہونے والے مختلف کاموں کے نتیجے میں خود کار طریقے سے ای میل بھیج کر آپ متعلقہ لوگوں کو صورت حال سے مطلع کر سکتے ہیں۔ مثال کے طور پر ایسے کام درج ذیل ہو سکتے ہیں: مکمل تحریر

ڈیویلپرز اپنے ذاتی کمپیوٹر پر وہ تمام ٹولز اور سافٹ ویئرز انسٹال کر لیتے ہیں جن کی مدد سے ہوسٹنگ اکاؤنٹ اور انٹرنیٹ کنکشن کے بغیر ویب ڈیویلپمنٹ کی جا سکے۔ ویب ایپلی کیشن ڈیویلپمنٹ کے لیے درج ذیل سافٹ ویئر پیکیجز کمپیوٹر پر انسٹال کرنا ضروری ہیں:

1. خود کار طریقے سے ویب پیجز بنانے کے لیے PHP پروگرامنگ لینگویج
2. ویب ایپلی کیشنز کا ڈیٹا محفوظ کرنے کے لیے MySQL ڈیٹابیس سسٹم
3. براؤزر میں ویب ایپلی کیشن چلانے کے لیے Apache ویب سرور
4. کم سے کم SQL کوڈ لکھتے ہوئے ڈیٹابیسز پر کام کرنے کے لیے phpMyAdmin ویب ایپلی کیشن
5. ایپلی کیشن کی رفتار ٹیسٹ کرنے کے لیے webGrind یا اس جیسا کوئی دوسرا ٹول

پروگرامنگ کے دوران String concatenation یعنی ڈیٹا کے مختلف ٹکڑوں کو جوڑ کر ایک بڑی اسٹرنگ تیار کرنے کی ضرورت پیش آتی رہتی ہے۔ خاص طور پر ویب ڈیویلپمنٹ میں اس کے بغیر کام نہیں چلتا۔ ویب پروگرامنگ میں ڈیٹابیس سے ریکارڈز حاصل کر کے انہیں HTML ٹیگز کے ساتھ مکس کر کے ویب پیج بنانا معمول کی بات ہے۔ لیکن اسٹرنگ کانکیٹینیشن کا استعمال صرف اسی تک محدود نہیں ہے۔ ایپلی کیشن کی نوعیت اور ضرورت کے مطابق اس کے کئی طرح کے استعمالات ہو سکتے ہیں۔ میں اس ٹٹوریل میں اسٹرنگ کانکیٹینیشن کا ایک استعمال پیش کر رہا ہوں، امید ہے یہ آپ کے ذہن میں مزید آئیڈیاز پیدا کرنے میں معاون ثابت ہوگا۔ مکمل تحریر

Browsers کی صورت حال ویب ڈیویلپمنٹ کے حوالے سے اب کافی بہتر ہوگئی ہے۔ اس لیے کہ براؤزرز نے بھی ویب اسٹینڈرڈز کو کافی حد تک اپنا لیا ہے، اور ویب ڈیویلپرز بھی ان تکنیکوں سے واقف ہوگئے ہیں جنہیں استعمال کرتے ہوئے ویب سائیٹ مختلف براؤزرز پر ٹھیک طرح سے دکھائی جا سکے۔ ورنہ چند سال پہلے Browser compatibility ایک بہت بڑا مسئلہ تھی۔ کسی ویب سائیٹ یا ویب ایپلی کیشن کا کوئی فیچر ایک براؤزر میں ٹھیک کام کرتا تو دوسرے براؤزر میں خراب ہوتا۔ دوسرے براؤزر کے لیے اس فیچر کو ٹھیک کیا جاتا تو تیسرے براؤزر میں وہ خراب ہو جاتا۔ مختلف براؤزرز کے درمیان غیر مطابقت کا یہ مسئلہ بسا اوقات ویب ڈیویلپرز کے لیے شرمندگی کا باعث بھی بن جاتا۔ مکمل تحریر

wordpress.org پر ڈیویلپرز اپنے بنائے ہوئے Themes اپ لوڈ کرتے ہیں تاکہ لوگ اپنی ویب سائیٹس بنانے کے لیے انہیں استعمال کر سکیں۔ اس وقت ورڈ پریس کی ویب سائیٹ پر اڑھائی ہزار سے زائد ایسے تھیمز مفت دستیاب ہیں، جو کروڑوں کی تعداد میں ڈاؤن لوڈ کیے جا چکے ہیں۔ ورڈ پریس کی ویب سائیٹ پر تلاش کی سہولت دی گئی ہے جسے استعمال کرتے ہوئے آپ اپنی مرضی کا تھیم ڈھونڈ سکتے ہیں۔ لیکن ورڈ پریس کی طرف سے اس سے بڑی سہولت یہ دی گئی ہے کہ ان تھیمز میں سے اپنی مرضی کا تھیم تلاش کرنے کے لیے ورڈ پریس سافٹ ویئر کا Admin پینل بھی استعمال کیا جا سکتا ہے۔ اور پھر تلاش کیے گئے تھیم کو فورً‌ا انسٹال بھی کیا جا سکتا ہے۔ مکمل تحریر

ایسا سافٹ ویئر جو ویب براؤزر پر چلتا ہے اسے ویب ایپلی کیشن کہتے ہیں۔ چونکہ براؤزر تقریباً‌ ہر قسم کے کمپیوٹر (ڈیسک ٹاپ، لیپ ٹاپ، ٹیب اور سمارٹ فون وغیرہ) پر موجود ہوتا ہے، اس لیے ویب ایپلی کیشن ان سب پر استعمال کی جا سکتی ہے۔ اسی طرح براؤزر ہر پلیٹ فارم (ونڈوز، میک اور لینکس وغیرہ) پر دستیاب ہوتا ہے، اس لیے ویب ایپلی کیشن ان سب آپریٹنگ سسٹمز پر چلائی جا سکتی ہے۔ اگر ویب ایپلی کیشن کو چلانے کیلئے درکار ویب سرور، پروگرامنگ اور ڈیٹابیس کے سافٹ ویئرز مقامی کمپیوٹر پر انسٹال کر لیے جائیں تو ویب ایپلی کیشن کو بطور ڈیسک ٹاپ ایپلی کیشن بھی چلایا جا سکتا ہے، یعنی پھر اسے چلانے کے لیے انٹرنیٹ کنکشن کی ضرورت نہیں رہتی۔ اس ٹٹوریل میں انفوگرافک کی مدد سے ویب ایپلی کیشن کا ایک عمومی خاکہ پیش کیا گیا ہے جس کا مقصد ویب ایپلی کیشن کے کام کا طریقہ کار واضح کرنا ہے۔ مکمل تحریر

اگر آپ ویب ڈیویلپر ہیں تو آپ کے لیے یہ جاننا ضروری ہے کہ آپ کی ڈیویلپ کی ہوئی ویب سائیٹ کے ویب پیجز ڈاؤن لوڈ ہونے میں کتنا وقت لیتے ہیں۔ اس کی وجہ یہ ہے کہ انٹرنیٹ کے صارفین سست رفتار ویب سائیٹس پر ٹھہرنا پسند نہیں کرتے، اگر ویب سائیٹ کے صفحات اتنے وقت میں لوڈ نہیں ہو رہے جس کی صارف توقع کر رہا ہے تو وہ اس کے متبادل کوئی دوسری ویب سائیٹ تلاش کرے گا۔ یوں ویب سائیٹ کی یہ سست رفتاری صارفین کو مد مقابل بزنس کی ویب سائیٹ پر بھیج دے گی۔

اس ٹٹوریل کا مقصد دنیا کے مختلف ممالک میں آپ کی ویب سائیٹ کی رفتار ٹیسٹ کرنا ہے تاکہ یہ دیکھا جا سکے کہ کن ممالک میں اس ویب سائیٹ کے ویب پیجز تیز رفتاری سے ڈاؤن لوڈ ہوتے ہیں اور کن ممالک میں سست رفتاری سے۔ مکمل تحریر

HTML5 ویب پیجز بنانے کے لیے استعمال کی جانے والی HTML لینگویج کا نیا معیار ہے۔ ورلڈ وائیڈ ویب کے آغاز سے لے کر اب تک HTML مارک اپ لینگویج کے متعدد ورژنز متعارف کرائے گئے ہیں جن میں حالات کی ضرورت کے مطابق تبدیلیاں کی گئیں۔ اس ٹٹوریل میں حالیہ ورژن HTML5 میں نئے شامل کیے جانے والے ایلیمنٹس، اور پرانے ختم کیے جانے والے ایلیمنٹس کی فہرست پیش کی جا رہی ہے۔ یہ فہرست اور اس کی زیادہ تر وضاحت W3Schools کی ویب سائیٹ سے لی گئی ہے، جبکہ ایلیمنٹس کی نوعیت کے اعتبار سے ان کی ترتیب بدلی گئی ہے۔ آئیں یہ ایلیمنٹس اور ان کا مختصر تعارف دیکھتے ہیں۔ مکمل تحریر

انٹرنیٹ پر جب Web کا آغاز ہوا تو ابتداء میں ویب پیج کا ڈیزائن تیار کرنے کے لیے HTML کے table ایلی منٹ کا عام استعمال کیا جاتا تھا۔ یعنی اگر ویب پیج میں تین کالم درکار ہوتے تو اس مقصد کے لیے تین کالموں پر مشتمل ٹیبل بنایا جاتا۔ لیکن ٹیبل ایلی منٹ کی مدد سے بنائے گئے ڈیزائن کا نقصان یہ تھا کہ اسے آزادانہ طریقے سے CSS کی مدد سے تبدیل نہیں کیا جا سکتا تھا، اور ایسا ڈیزائن تبدیل کرنے کے لیے ویب پیج کا کوڈ تبدیل کرنا ضروری ہو جاتا تھا۔ چنانچہ اس مسئلے کے حل کے لیے Table-less ڈیزائن کا تصور متعارف کرایا گیا جس کے تحت ویب پیج کے ڈیزائن کی تیاری کے لیے div ایلی منٹ کا بکثرت استعمال کیا جانے لگا۔ div ایلی منٹس کو CSS کی مدد سے ویب پیج کے مختلف کالمز اور سیکشنز کے طور پر دکھایا جاتا ہے۔ مکمل تحریر

آپ جانتے ہوں گے کہ Parsing کامطلب کسی چیز کے حصے بخرے کر کے ان حصوں کا تجزیہ کرنا ہوتا ہے۔ پارسنگ کمپیوٹر پروگرامنگ کا ایک اہم موضوع ہے جس کے تحت ڈیٹا پراسیسنگ کے مختلف کام سر انجام دیے جاتے ہیں۔ پارسنگ کا مقصد پروگرامنگ کے ذریعے وہ ڈیٹا حاصل کرنا ہے جو کسی ٹیکسٹ فائل (ویب پیج وغیرہ) میں موجود ہے اور اسے ہم نئے سرے سے ٹائپ نہیں کرنا چاہتے۔ اس تحریر میں پہلے یہ دیکھا جائے گا کہ پارسنگ کے ذریعے کسی بھی ویب پیج کے کونسے حصے حاصل کیے جا سکتے ہیں۔ پھر اس کا مقصد ذکر کیا جائے گا کہ آخر پارسنگ کیوں کی جاتی ہے۔ اس کے بعد مختصرً ا یہ بتایا جائے گا کہ پروگرامنگ لینگویجز میں پارسنگ کیسے جاتی ہے۔ اور پھر آخر میں PHP کوڈ کی مثالوں کے ذریعے پارسنگ کا عمل واضح کیا جائے گا۔ مکمل تحریر

بہت سی ویب سائیٹس ایسی ہوتی ہیں جنہیں فوری طور پر برانڈنگ کی ضرورت نہیں ہوتی۔ مثلاً‌ کوئی معلوماتی ویب سائیٹ، یا پھر کسی تعلیمی / مذہبی / رفاہی ادارے یا سرکاری محکمے کی ویب سائیٹ وغیرہ۔ عام مشاہدہ یہ ہے کہ اس طرح کی ویب سائیٹ تیار کرنے کی درج ذیل ترتیب مناسب رہتی ہے:

1. ویب سائیٹ پر CMS انسٹال کرنے کے بعد کوئی قابل قبول تھیم انسٹال کر لیا جائے۔
2. ویب سائیٹ کے مواد کی درجہ بندی (Categorization) قائم کر کے مواد شائع کرنا شروع کر دیا جائے۔
3. جب ویب سائیٹ میں حسب ضرورت مواد شامل ہو جائے تو پھر اس کی برانڈنگ یعنی منفرد تھیم وغیرہ ڈیزائن کرنے پر توجہ دی جائے۔

ویب سائیٹ کے Access logs یہ بتاتے ہیں کہ ایک مخصوص عرصے میں اس ویب سائیٹ کی کتنی فائلز حاصل کرنے کے لیے ویب سرور کی طرف درخواستیں بھیجی گئی ہیں۔ مثلاً‌ کسی ویب پیج میں اگر ایک اسٹائل شیٹ فائل، ایک جاوا اسکرپٹ فائل، اور دو تصاویر شامل کی گئی ہیں تو براؤزر کی جانب سے ویب سرور کی طرف کل پانچ درخواستیں بھیجی جائیں گی۔ ایک درخواست ویب پیج کے لیے، اور باقی چار اس کے اندر استعمال کی گئی فائلز کے لیے۔ لاگز کی فائل میں ان تمام درخواستوں کا اندراج الگ الگ سطروں پر موجود ہوتا ہے۔ ہر سطر میں کسی بھی درخواست کے متعلق مکمل معلومات موجود ہوتی ہیں۔ یعنی کس IP ایڈریس سے درخواست بھیجی گئی، درخواست کی تاریخ اور وقت کیا تھا، درخواست کا طریقہ GET تھا یا POST، کس فائل کے لیے درخواست بھیجی گئی، صارف یا سرچ انجن اس فائل تک کیسے پہنچا، نیز کس آپریٹنگ سسٹم اور براؤزر کو استعمال کرتے ہوئے درخواست بھیجی گئی، وغیرہ۔ مکمل تحریر

اگرچہ ماہرین یہ مشورہ دیتے ہیں کہ پروگرامرز کو آسان اور واضح کوڈ لکھنا چاہیے تاکہ اگر ان کا کوڈ کوئی اور پروگرامر پڑھے تو اسے سمجھنے کے لیے زیادہ مغز کھپائی نہ کرنی پڑے، اور یہ کہ اس آسانی کے لیے اگر کچھ زیادہ کوڈ بھی لکھنا پڑے تو اس سے گریز نہ کیا جائے۔ لیکن بعض اوقات صورت حال کچھ ایسی ہوتی ہے کہ کوڈ کا غیر ضروری پھیلاؤ ہی اسے سمجھنے میں مشکل پیدا کر دیتا ہے۔ مختلف پروگرامنگ لینگوئجز میں شاید اسی مقصد کے لیے Ternary operators متعارف کرائے گئے ہیں۔ ٹرنری آپریٹرز کا طریقہ ایسی If-statement کی جگہ پر استعمال کیا جاتا ہے جس کے بلاک میں صرف ایک لائن کا کوڈ ہو۔ آئیں اس کا استعمال دیکھتے ہیں۔ مکمل تحریر

PHP پروگرامنگ لینگوئج میں GD کے نام سے ایک لائبریری شامل ہے جو نئی تصویر بنانے اور پرانی تصویر پر لکھنے کی سہولت مہیا کرتی ہے۔ اس لائبریری میں بہت سے فنکشنز موجود ہیں جن کی مدد سے نہ صرف مختلف رنگوں اور فونٹس کے ساتھ عبارتیں لکھی جا سکتی ہیں بلکہ مختلف ڈرائنگز مثلاً‌ لائن، ڈبے اور دائرے وغیرہ بھی بنائے جا سکتے ہیں۔ اس ٹٹوریل میں ہم ایک نمونے کی تصویر پر PHP کوڈ کی مدد سے عبارت لکھیں گے اور پھر اسے نئی تصویر کے طور پر محفوظ کریں گے۔ آئیں مختصر طور پر اس کا طریقہ دیکھتے ہیں: مکمل تحریر

ایسا ویب فارم جس میں مختلف نوعیت کی معلومات کو مختلف گروپس میں تقسیم کرنا مقصود ہو تو اس کے لیے fieldset ایلی منٹ استعمال کیا جا سکتا ہے۔ یہ ایلی منٹ ایک باکس بنا دیتا ہے، جبکہ اس کے اندر legend ایلیمنٹ کی مدد سے اس باکس کا ٹائٹل مقرر کیا جاتا ہے۔ ویب فارم کو اس طریقے سے صحیح معنوں میں منظم اور خوبصورت بنانے کے لیے CSS کا استعمال ضروری ہے۔ اسٹائل رولز کی مدد سے fieldset بلاک کے بارڈر کی موٹائی و گولائی، بیک گراؤنڈ کا رنگ، اور اس کی پوزیشن وغیرہ مقرر کی جا سکتی ہے۔ اسی طرح legend ایلیمنٹ کو بھی اسٹائل رولز کی مدد سے بہتر انداز میں دکھایا جا سکتا ہے۔ مکمل تحریر

HTML میں امیج میپ بنانے کی سہولت دی گئی ہے کہ آپ کسی بھی تصویر کے مختلف حصوں پر لنکس بنا سکتے ہیں۔ مثلاً‌ کسی میڈیکل پراجیکٹ میں انسانی جسم کی تصویر کے اوپر مختلف لنکس بنائے جا سکتے ہیں، یعنی جسم کے اعضاء پر کلک کرنے سے الگ الگ ویب پیجز کھولے جا سکتے ہیں۔ یا مثال کے طور پر کسی ملک کے نقشے کی تصویر کے اوپر مختلف شہروں کے لیے الگ الگ لنکس بنا کر انہیں مختلف ویب پیجز وغیرہ کے ساتھ منسلک کیا جا سکتا ہے۔ یا بالفرض آپ نے کسی موضوع پر ایک انفوگرافک تیار کی ہے اور آپ چاہتے ہیں کہ اس کے مختلف حصوں پر کلک کرنے سے کسی ویڈیو پر مشتمل ویب پیج کھل جائے، کوئی ڈاکومنٹ ڈاؤن لوڈ ہو جائے، یا کوئی ویب سائیٹ کھل جائے وغیرہ۔ آئیں اس کا طریقہ دیکھتے ہیں: مکمل تحریر

Drupal 7 کے انسٹالیشن پیکیج میں جو ماجوئلز شامل ہوتے ہیں ان میں ایک Poll ماجوئل بھی ہے۔ اس کی مدد سے آپ اپنی ویب سائیٹ پر پول شامل کر سکتے ہیں، یعنی ایک سوال اور اس کے متوقع جوابات مہیا کر کے صارفین سے کہا جا سکتا ہے کہ کوئی ایک جواب منتخب کریں۔ اس طرح کسی خاص معاملے میں آپ صارفین کا رجحان دیکھ سکتے ہیں یا ان کی معلومات کا اندازہ کر سکتے ہیں۔ ڈروپل کی مدد سے جب ایک نئی ویب سائیٹ بنائی جاتی ہے تو ڈیفالٹ کے طو رپر Poll ماجوئل فعال نہیں کیا گیا ہوتا۔ اس ٹٹوریل میں یہ ماجوئل فعال کرنے کا عمل بھی دکھایا گیا ہے اور اس کی مدد سے ایک نیا پول بنا کر اسے ویب سائیٹ پر شائع کرنے کا طریقہ بھی بتایا گیا ہے۔ مکمل تحریر

گزشتہ ٹٹوریل میں یہ بتایا گیا تھا کہ اگر آپ اپنی ویب سائیٹ پر صارفین کی تعداد دکھانا چاہیں تو اس کے لیے ویب کاؤنٹر کی کوئی سروس کیسے استعمال کی جا سکتی ہے۔ اس ٹٹوریل میں ہم یہ دیکھیں گے کہ PHP لینگوئج اور MySQL ڈیٹابیس کی مدد سے ہم اپنی ایک کاؤنٹر ایپلی کیشن کیسے تیار کر سکتے ہیں۔ یہ ایپلی کیشن بہت سادہ سی ہے اور اسے آپ بہت سی ویب سائیٹس پر کاؤنٹر دکھانے کے لیے استعمال کر سکتے ہیں۔ یہ ایپلی کیشن دو طرح کی گنتی ڈیٹابیس میں محفوظ کرتی ہے۔ ایک Site visits یعنی کسی بھی صارف نے ویب سائیٹ کتنی مرتبہ وزٹ کی۔ دوسری Page visits یعنی صارف نے ویب سائیٹ کے کتنے صفحات دیکھے۔ مکمل تحریر

ویب ماسٹرز کی ایک ذمہ داری یہ بھی ہوتی ہے کہ وہ اپنی نگرانی میں چلنے والی ویب سائیٹس کو بند نہ ہونے دیں، ان میں ان کی ذاتی ویب سائیٹس بھی ہو سکتی ہیں اور اس کمپنی یا ادارے کی ویب سائیٹس بھی جن کے لیے وہ کام کرتے ہیں۔ یہ تسلی کرنے کے لیے کہ کوئی ویب سائیٹ مسلسل چل رہی ہے، سافٹ ویئر ایپلی کیشن بھی استعمال کی جا سکتی ہے اور کوئی آن لائن سروس بھی۔ مثلاً‌ آن لائن سروس ایک مخصوص وقت کے بعد مطلوبہ ویب سائیٹ چیک کرتی رہتی ہے، اگر کسی وجہ سے ویب سائیٹ نہ کھلے تو اس کے ویب ماسٹر کو بذریعہ ای میل یا موبائل میسج اس صورت حال سے آگاہ کر دیا جاتا ہے۔ مکمل تحریر

HTML5 میں input ایلیمنٹ کی چند نئی ٹائپس شامل کی گئی ہیں جن سے ویب ڈویلپرز کو کافی سہولت ہوگئی ہے۔ ان ٹائپس میں color , number , email , url , phone , time , date وغیرہ شامل ہیں۔ نئی ان پٹ ٹائپس کا زیادہ تر فائدہ فارم کی پڑتال کے سلسلہ میں ہوتا ہے مثلاً اگر کسی ان پٹ فیلڈ کی ٹائپ آپ نے url مقرر کی ہے تو پھر یہ فیلڈ غلط ویب ایڈریس قبول نہیں کرے گی۔ چنانچہ اس نئے اضافے سے ویب ڈیویلپرز کو بہت سے ایسے Javascript کوڈ سے چھٹکارا مل گیا ہے جو اس سے پہلے وہ براؤزر پر فارم کی پڑتال کے لیے استعمال کرتے تھے۔ مکمل تحریر

عموماً ویب پیج پر دو طرح سے بدلتی تصاویر دکھائی جاتی ہیں۔ ایک صورت یہ ہے کہ ویب پیج جب بھی براؤزر میں لوڈ ہو اس میں ایک نئی تصویر نظر آئے، مثلاً ایسی تصویریں ویب سائیٹ کے ہوم پیج کے بڑے بینر کے طور پر دکھائی جا سکتی ہیں۔ دوسری صورت یہ ہے کہ ویب پیج کو نئے سرے سے براؤزر میں لوڈ کیے بغیر تصویر تھوڑے تھوڑے وقفے کے ساتھ بدلتی رہے، مثلاً ایسی تصویریں چھوٹے اشتہارات کے طور پر دکھائی جا سکتی ہیں۔ ان دونوں صورتوں کے لیے براؤزر پر چلنے والی اسکرپٹنگ لینگوئج موزوں ہے، یعنی یہ کام JavaScript کی مدد سے با آسانی کیا جا سکتا ہے۔ مکمل تحریر

دو عبارتوں کے موازنے کا مطلب یہ ہے کہ ان کے درمیان فرق اور مماثلت معلوم کی جائے۔ مثلاً میں اپنے کسی پرانے مضمون کو بہتر بنانے کے لیے اس کی ایک نقل بنا کر اس میں تبدیلیاں کروں گا۔ ان تبدیلیوں کے بعد میں چاہوں گا کہ ان دونوں مضامین کا آپس میں موازنہ کر کے معلوم کروں کہ تبدیل شدہ تحریر پہلی تحریر سے کس قدر بہتر ہے۔ چنانچہ یہ ٹیکسٹ پراسیسنگ کا ایک مسئلہ ہے جسے کمپیوٹر پروگرامنگ کے ذریعے حل کیا جا سکتا ہے اور اس ٹٹوریل میں ہم یہی کرنے کی کوشش کریں گے۔ اس مقصد کے لیے ہم PHP استعمال کرتے ہوئے ایک چھوٹی سی ویب ایپلیکیشن بنائیں گے جو دو عبارتوں کا موازنہ کرنے میں ہماری مدد کرے گی۔ مکمل تحریر