اس ٹٹوریل میں ہم بار گراف بنانے والی ایک چھوٹی سی ویب ایپلیکیشن تیار کرنے کا عمل دیکھیں گے۔ اگرچہ یہ بار گراف ایسا پرفیکٹ نہیں ہوگا جیسا کہ اسپریڈ شیٹ سافٹ ویئرز کی مدد سے بنایا جاتا ہے لیکن میرے خیال میں یہ ایک اچھی پروگرامنگ ایکسرسائز ہوگی۔ اس ویب ایپلی کیشن میں خاص کردار PHP اور CSS کا ہے کیونکہ پروگرامنگ کے مدد سے ہم ویلیوز کی کیلکولیشن کریں گے اور اسٹائلز کی مدد سے ہم یہ بار گراف مختلف رنگوں میں دکھائیں گے۔ اس کے علاوہ اس ویب ایپلی کیشن میں HTML فارم کے ساتھ PHP اررے کا ایک خاص استعمال دکھایا گیا ہے جو اس جیسے دیگر پراجیکٹس کے لیے بھی مفید اور کار آمد ہو سکتا ہے۔ — مکمل تحریر پی ایچ پی میں بار گراف بنانے والی ویب ایپلی کیشن تیار کریں

ہم اپنی موبائل ڈیوائسز پر عموماً دو وجہوں سے ویڈیوز کا سائز کم کرنا چاہتے ہیں۔ ایک وجہ یہ کہ بڑے سائز کی کسی ویڈیو کو بذریعہ انٹرنیٹ شیئر کرنے میں دشواری پیش آجاتی ہے۔ اور دوسری وجہ یہ کہ بسا اوقات ہم کچھ ویڈیوز کو اپنے پاس محفوظ رکھنا چاہتے ہیں لیکن اسٹوریج کی گنجائش کم ہونے یا پھر ویڈیوز کا سائز بہت بڑا ہونے کی وجہ سے نہ چاہتے ہوئے بھی انہیں ڈیلیٹ کرنے پر مجبور ہو جاتے ہیں۔ چنانچہ ان دونوں مقاصد کے لیے ہمیں ویڈیوز کا سائز کم کرنے والی کسی ایپ کی ضرورت پڑتی ہے۔ اینڈرائیڈ کے لیے بہت سی ایپس اس مقصد کے لیے دستیاب ہیں جن میں سے ہم ویڈیو کمپریس کا استعمال اس ٹٹوریل میں دکھا رہے ہیں۔ — مکمل تحریر اینڈرائیڈ پر ویڈیوز کا سائز کم کریں

ایک گرافک ڈیزائنر کے لیے سب سےمشکل کام شاید مونوگرام ڈیزائن کرنا ہے کیونکہ اس میں خوبصورتی کے ساتھ ساتھ انفرادیت کا ہونا بہت ضروری ہے۔ عام طور پر کوئی مونوگرام ڈیزائن کرنے سے پہلے سرچ انجن کی مدد سے مختلف آئیڈیاز تلاش کیے جاتے ہیں جس کا ایک مقصد یہ بھی ہوتا ہے کہ گرافک ڈیزائنر کے ذہن میں مونوگرام کا جو خاکہ ہے کہیں کسی اور کمپنی نے اس طرح کا مونوگرام پہلے سے تو نہیں بنا رکھا۔ لیکن سرچ انجن پر صرف ’’مونوگرام‘‘ تلاش کرنے پر شاید مقصد حل نہ ہو اس لیے اس ٹٹوریل میں ہم اس تلاش کو بہتر بنانے کے لیے کچھ آئیڈیاز پیش کر رہے ہیں جو امید ہے فائدہ مند ثابت ہوں گے۔ — مکمل تحریر گوگل امیج سرچ کی مدد سے مونوگرام کے آئیڈیاز تلاش کریں

مالی سرگرمیوں کو منظم کرنے کے لیے کوئی بھی ایپ استعمال کی جائے اس کے لیے عموماً یہ اقدامات کیے جاتے ہیں: (1) ہر آمدن کا اندراج کیا جاتا ہے (2) ہر خرچ کا اندراج کیا جاتا ہے (3) ہر ادھار کا اندراج کیا جاتا ہے۔ جبکہ آمدن یا خرچ کا اندراج کرتے وقت اس کی مناسب درجہ بندی کی جاتی ہے یعنی اس کے لیے کیٹیگری اور لیبل منتخب کیے جاتے ہیں تاکہ بعد میں ان کے مطابق رپورٹ حاصل کی جا سکے۔ مثلاً اگر کیٹیگری ’’کھانے پینے کی اشیا‘‘ ہے تو اس کا لیبل ’’دودھ‘‘ ہو سکتا ہے۔ یا اگر کیٹیگری ’’انرجی بلز‘‘ ہے تو اس کا لیبل ’’گیس کا بل‘‘ ہو سکتا ہے۔ — مکمل تحریر اینڈرائیڈ پر آمدن اور اخراجات کا حساب رکھیں