اس تحریر میں کمپیوٹنگ کی چند اصطلاحات پیش کی جا رہی ہیں جو انگریزی حرف Z سے شروع ہوتی ہیں: زیڈ بفرنگ، زی چینل، زی نوٹیشن، زی آرڈر، زی تھری، زی ایٹی، زیٹابائٹ، زیرو ڈے، زیرو فِل، زیرو انفلیٹڈ ماڈل، زیرو نالج پروف، زیرو لیٹنسی، زیرو ٹرسٹ آرکیٹیکچر، زیٹابائٹ فائل سسٹم، زِگ، زِگبی، زِپ، زِپنگ، زی لِب، زومبی پراسیس، زون فائل، زون ٹرانسفر، زوم، زوپ، زورِن او ایس، زی شیل، زوکیپر۔ — مکمل تحریر کمپیوٹنگ کی چند اصطلاحات کی وضاحت — Z

معروف ZIP فارمیٹ والی فائل بنانے اور کھولنے کی سہولت آپریٹنگ سسٹم میں موجود ہوتی ہے لیکن دیگر کمپریسڈ فائل فارمیٹس کے لیے الگ سے ایپلیکیشن انسٹال کرنا پڑتی ہے۔ چونکہ تمام صارفین کو روزمرہ ایسے کاموں سے واسطہ نہیں پڑتا جن میں کوئی کمپریسڈ فائل بنانا یا کھولنا پڑے، اس لیے کسی ایک آدھ موقع کے لیے الگ سے ایسی ایپلیکیشن انسٹال کرنا ضرورت سے زیادہ کام محسوس ہوتا ہے۔ مثلاً گزشتہ دنوں مجھے ایک RAR فارمیٹ والی کمپریسڈ فائل موصول ہوئی لیکن میرے کمپیوٹر پر اسے ڈی کمپریس کرنے والی ایپلیکیشن موجود نہیں تھی۔ چنانچہ سرچ انجن پر تلاش کرنے سے ایسی آن لائن سروس مل گئی جو اس فائل کو کسی دوسرے فارمیٹ مثلاً ZIP میں تبدیل کر دے تاکہ میں اسے اپنے آپریٹنگ سسٹم میں موجود سہولت کے تحت کھول سکوں۔ — مکمل تحریر آن لائن سروس کی مدد سے کمپریسڈ فائل کا فارمیٹ تبدیل کریں

جن ڈیوائسز پر کمپیوٹر کی رفتار کا انحصار ہوتا ہے ان میں پروسیسر اور ریم کے علاوہ ڈسک ڈرائیو بھی شامل ہے۔ ڈسک ڈرائیو سے مراد ہر وہ ڈیوائس ہے جس پر ڈیٹا مستقل طور پر محفوظ کیا جا سکتا ہے اور بجلی سے منقطع ہونے کے بعد بھی اس پر یہ ڈیٹا محفوظ رہتا ہے۔ ان میں ہارڈ ڈسک ڈرائیو (HDD)، سالڈ سٹیٹ ڈرائیو (SSD)، یو ایس بی فلیش ڈرائیو (UFD)، کومپیکٹ ڈسک (CD)، ڈیجیٹل ورسٹائل ڈسک (DVD)، بلورے ڈسک (BD)، اور میموری کارڈ وغیرہ شامل ہیں۔ چونکہ ان ڈسک ڈرائیوز کی ٹیکنالوجیز ایک دوسرے سے مختلف ہیں اور یہ ایک دوسرے سے قدرے مختلف مقاصد کے لیے بنائی جاتی ہیں اس لیے ان کی رفتار میں بھی فرق ہوتا ہے۔ رفتار سے مراد یہ ہے کہ پروسیسر کو ڈسک ڈرائیو سے ڈیٹا پڑھنے یا اس پر ڈیٹا لکھنے کے لیے کتنا وقت درکار ہوتا ہے۔ — مکمل تحریر ونڈوز پر ڈسک ڈرائیوز کی رفتار ٹیسٹ کریں

ہم مختلف ویب سائیٹس پر سوشل میڈیا کے آئیکانز دیکھتے رہتے ہیں جو کہ دو طرح کے ہوتے ہیں۔ ایک وہ جن پر کلک کر کے ہم اس ادارے یا کمپنی کی سوشل میڈیا پروفائل پر پہنچ جاتے ہیں، اور دوسرے وہ جن پر کلک کر کے ہم اس ویب پیج کو سوشل میڈیا پر شیئر کر سکتے ہیں۔ اس ٹٹوریل میں ہم دوسری طرز کے آئیکانز کی تیاری کا عمل دیکھیں گے کیونکہ یہ تھوڑی سی مہارت کے طلب گار ہیں۔ سوشل میڈیا کی مختلف سروسز ہمیں اپنا ویب پیج بذریعہ URL شیئر کرنے کی سہولت دیتی ہیں۔ مثلاً درج ذیل معروف سوشل سروسز کے URLs ہیں جن کے ساتھ کسی بھی ویب پیج کا ایڈریس شامل کر کے اسے شیئر کیا جا سکتا ہے۔ — مکمل تحریر ویب سائیٹ پر شیئر لنکس شامل کریں